മക്ക: ഈ വര്‍ഷത്തെ ഹജ്ജ് സീസണ് തുടക്കം കുറിച്ച് മക്കയിലേക്കുള്ള പ്രവേശനം പരിമിതപ്പെടുത്താനുള്ള ഒരുക്കങ്ങള്‍ ആരംഭിച്ചു. ഹാജിമാര്‍ക്കായി ഒരുക്കങ്ങള്‍ പൂര്‍ത്തീകരിക്കുന്നതിന്റെ ഭാഗമായാണ് മക്കയിലേക്ക് പ്രവേശനം പരിമിതപെടുത്തുന്നത്. വിലക്ക് വെള്ളിയാഴ്ച മുതല്‍ പ്രാബല്യത്തില്‍ വരുമെന്ന് മക്ക ഗവര്‍ണറേറ്റ് അറിയിച്ചു. പിന്നീട് അനുമതി പത്രം ഉള്ളവര്‍ക്കും മക്ക ഇഖാമയുള്ളവര്‍ക്കും മാത്രമായിരിക്കും പ്രവേശനം.

ജൂണ്‍ 28 തുടങ്ങുന്ന വിലക്ക് ഓഗസ്റ്റ് 11 വരെ പ്രാബല്യത്തിലുണ്ടാകും. എല്ലാ വര്‍ഷവും ശവ്വാല്‍ 25 മുതല്‍ ദുല്‍ഹജ് 10 വരെ മക്കയില്‍ പ്രവേശിക്കുന്നതില്‍നിന്ന് വിദേശികള്‍ക്ക് വിലക്കുണ്ട്. കാറുകളും ബസുകളും ട്രെയിനുകളും അടക്കം മുഴുവന്‍ വാഹനങ്ങളിലും മക്കയില്‍ പ്രവേശിക്കുന്നവര്‍ക്ക് വിലക്ക് ബാധകമാണ്. ജോലി ആവശ്യാര്‍ഥം മക്കയില്‍ പ്രവേശിക്കുന്നതിന് വിദേശികള്‍ ബന്ധപ്പെട്ട വകുപ്പുകളില്‍നിന്ന് പ്രത്യേക അനുമതി പത്രം നേടിയിരിക്കണം.