മ്യൂണിക്ക്: ഐ.എസ്.എസ്.എഫ് ഷൂട്ടിങ് ലോകകപ്പില്‍ ഇന്ത്യയുടെ രവി കുമാറിന് നേരിയ വ്യത്യാസത്തില്‍ മെഡല്‍ നഷ്ടമായി. പുരുഷന്‍മാരുടെ പത്ത് മീറ്റര്‍ എയര്‍ റൈഫിള്‍ വിഭാഗത്തില്‍ ഫൈനലിലെത്തിയ രവി നാലാം സ്ഥാനത്ത് ഫിനിഷ് ചെയ്തു.
ഫൈനലില്‍ രവി കുമാര്‍ 185.7 പോയിന്റുകള്‍ നേടിയാണ് നാലാമതെത്തിയത്. ഈയിനത്തില്‍ മത്സരിച്ച മറ്റ് ഇന്ത്യന്‍ താരങ്ങളായ സത്യേന്ദ്ര സിങ്, ദീപക് കുമാര്‍ എന്നിവര്‍ക്ക് മികവ് പുലര്‍ത്താന്‍ സാധിച്ചില്ല.