പടിഞ്ഞാറത്തറ: ഇമാംശാഫിഇ ഇസ്്‌ലാമിക് അക്കാദമി (ഇസ്‌വ)യുടെ ജനറല്‍ബോഡി യോഗം സയ്യിദ് ശിഹാബുദ്ദീന്‍ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു.
തിന്മകളാല്‍ കലുഷിതമായ സമൂഹത്തില്‍ ഭാവിതലമുറയുടെ രക്ഷക്ക് ധാര്‍മികതയിലൂന്നിയ ഭൗതിക വിദ്യാഭ്യാസം നല്‍കി സ്ത്രീകളെ ശാക്തീകരിക്കല്‍ അനിവാര്യമാണെന്ന് അദ്ദേഹം പറഞ്ഞു. ഇസ്‌വ വര്‍ക്കിങ് ചെയര്‍മാന്‍ എം. മുഹമ്മദ് ബഷീര്‍ ആധ്യക്ഷനായി. ഷൗക്കത്തലി മൗലവി വെള്ളമുണ്ട, ഇബ്‌റാഹിം ഫൈസി പേരാല്‍, ഖാസിം ദാരിമി, സി. ഹാരിസ്, ഉസ്മാന്‍ കാഞ്ഞായി, സി. മുഹമ്മദ്, പി.എ ഗഫൂര്‍, ടി. മമ്മൂട്ടി, എം.കെ ഇബ്രാഹിം മൗലവി, ജുബൈര്‍ ദാരിമി, വി. അബ്ദുല്ല മൗലവി, അബ്ദുല്‍ അസീസ് ഫൈസി സംസാരിച്ചു. കണ്‍വീനര്‍ മുഹിയുദ്ദീന്‍ കുട്ടി യമാനി സ്വാഗതവും ട്രഷറര്‍ സി.കെ ഇബ്രാഹിം ഹാജി നന്ദിയും പറഞ്ഞു.