തളിപ്പറമ്പ്: മുയ്യം പാടശേഖര സമിതിയുടെ നേതൃത്വത്തില്‍ കൊയ്ത്തുത്സവം സംഘടിപ്പിച്ചു. ആധുനിക യന്ത്രം ഉപയോഗിച്ച് നടന്ന കൊയ്ത്തുത്സവം കുറുമാത്തൂര്‍ പഞ്ചായത്ത് പ്രസിഡന്റ് ഐ.വി നാരായണന്‍ ഉദ്ഘാടനം ചെയ്തു. മുയ്യം പാടശേഖര സമിതിയുടെ നേതൃത്വത്തില്‍ ഇത്തവണ 40ഓളം ഹെക്ടര്‍ വയലിലാണ് നെല്‍കൃഷി നടത്തിയത്. 150ഓളം പേരാണ് പാടശേഖര സമിതിയിലുള്ളത്. തരിശിട്ട വയലുകളിലും കൃഷി വ്യാപിപ്പിച്ചിരുന്നു. വാര്‍ഡ് മെമ്പര്‍ കെ.പി മുഹമ്മദ് കുഞ്ഞി അധ്യക്ഷനായി. എം.പി പുരുഷോത്തമന്‍, കൃഷി ഓഫിസര്‍ ജോമിലി ജോസ്, പി.കെ കുഞ്ഞിരാമന്‍, ടി. ശ്രീധരന്‍ സംസാരിച്ചു.