മലപ്പുറം: ഖത്വീബുമാര്‍ക്കുള്ള ഖത്വീബ് സര്‍വിസ് രജിസ്‌ട്രേഷന്‍ (ക്യു.എസ്.ആര്‍) ഐ.ഡി കാര്‍ഡ് വിതരണത്തിന് തുടക്കമായി. സുന്നി മഹല്ല് ഫെഡറേഷന്‍ സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ ജംഇയ്യത്തുല്‍ ഖുത്വബാ സംസ്ഥാന ജന.സെക്രട്ട്രറി നാസര്‍ ഫൈസി കൂടത്തായിക്ക് ഐ.ഡി കാര്‍ഡ് നല്‍കിയാണ് വിതരണത്തിന് തുടക്കം കുറിച്ചത്. സമസ്ത കേരള ജംഇയ്യത്തുല്‍ ഖുത്വബാ മെമ്പര്‍ഷിപ്പ് അടിസ്ഥാനപ്പെടുത്തിയാണ് സര്‍വിസ് രജിസ്‌ട്രേഷന്‍ സംവിധാനം ഏര്‍പ്പെടുത്തിയത്.

എസ്.എം.എഫ് സംസ്ഥാന ജന.സെക്രട്ടറി ചെമ്മുക്കന്‍ കുഞ്ഞാപ്പു ഹാജി അധ്യക്ഷനായി. ഡോ.ബഹാഉദ്ദീന്‍ മുഹമ്മദ് നദ്‌വി, ഹംസ മുസ്‌ലിയാര്‍ വയനാട്, പിണങ്ങോട് അബൂബക്കര്‍, അബ്ദുസമദ് പൂക്കോട്ടൂര്‍, കാളാവ് സെയ്തലവി മുസ്‌ലിയാര്‍, യു. ഷാഫി ഹാജി ചെമ്മാട്, എ. കെ ആലിപ്പറമ്പ്, ഇസ്മാഈല്‍ ഹുദവി, ഹംസ ഹാജി മുന്നിയൂര്‍, എസ്.കെ ഹംസ ഹാജി പ്രസംഗിച്ചു. ഹംസ റഹ്മാനി കൊണ്ടിപ്പറമ്പ് സ്വാഗതവും ഇസ്മാഈല്‍ റഹ്മാനി തൃശൂര്‍ നന്ദിയും പറഞ്ഞു. ജില്ലാ കമ്മിറ്റികള്‍ മുഖേനയാണ് ഐ.ഡി കാര്‍ഡ് വിതരണം ചെയ്യുന്നത്. ജൂലൈ മൂന്നിന് രാവിലെ 10 മണിക്ക് കോഴിക്കോട് നടക്കുന്ന സംസ്ഥാന പ്രവര്‍ത്തക സമിതി ചേര്‍ന്ന് അന്തിമരൂപം നല്‍കും.