അതിരപ്പിള്ളി: കണ്ണംകുഴിയില്‍ യുവാവിനെ മര്‍ദിച്ച് കൊലപ്പെടുത്താന്‍ ശ്രമിച്ച കേസിലെ പ്രധാന പ്രതികളെ അതിരപ്പിള്ളി പൊലിസ് അറസ്റ്റ് ചെയ്തു. കണ്ണംകുഴി സ്വദേശികളായ കാരിക്കല്‍ വീട്ടില്‍ 27 വയസുള്ള വിജിത്ത്,  കാരിക്കല്‍ 28 വയസുള്ള സതീഷ് എന്ന കുഞ്ഞി എന്നിവരെയാണ് അതിരപ്പിള്ളി എസ്.ഐ സുജിത്ത് എസ്.നായര്‍ അറസ്റ്റ് ചെയ്തത്. ഇവരെ ഒളിവില്‍ കഴിയുന്നതിന് സഹായിച്ച പിള്ളപ്പാറ ഈരവേലി വീട്ടില്‍ 38 വയസുള്ള ആന്റണി, കണ്ണംകുഴി മണിയാടന്‍ വീട്ടില്‍ 35 വയസുള്ള അജയന്‍ എന്നിവരെ നേരത്തെ അറസ്റ്റ് ചെയ്തിരുന്നു.
വിജിത്ത്,സതീഷ് എന്നിവരെ എല്‍ത്തുരുത്തിലെ കോള്‍പ്പാടം പമ്പ് ഹൗസില്‍ നിന്നുമാണ് പിടികൂടിയത്.  സെപ്റ്റംബര്‍ ഏഴിനായിരുന്ന കേസിന് ആസ്പദമായ സംഭവം. ഇവരും കണ്ണന്‍കുഴിയിലെ സുധീഷ്‌കുമാര്‍, ആശാന്‍സുനി എന്നിവരും ചേര്‍ന്ന് അടിപിടി നടന്നു. ഇതിന്റെ പ്രതികാരത്തിന് അഷ്ടമിച്ചിറയിലെ വൈശാഖിന്റെ നേതൃത്വത്തില്‍ ആറംഗ സംഘത്തെ ഏര്‍പ്പാടാക്കുകയുമായിരുന്നു. എസ്.എസ്.ഐമാരായ പ്രദീപന്‍, ജോണ്‍സണ്‍, സീനിയര്‍ സി.പി.ഒമാരായ റോയ്  പൗലോസ്,വി.എസ്.അജിത്ത്കു മാര്‍,ബൈജു. സൈബര്‍ വിദഗ്ദ്ധന്‍  അന്വേഷണ സംഘത്തിലുണ്ടായിരുന്നു.