അമ്പലപ്പുഴ: പായല്‍ക്കുളങ്ങരയില്‍ ആംബുലന്‍സും ടാങ്കര്‍ ലോറിയും കൂട്ടിയിടിച്ച് ആംബുലന്‍സിലുണ്ടായിരുന്ന സ്ത്രീ മരിച്ചു. കരുനാഗപ്പള്ളി സ്വദേശി ലത (45) യാണ് മരിച്ചത്. ഒപ്പമുണ്ടായിരുന്ന മഞ്ചു, സന്തോഷ് , നിസാം , രത്‌നമ്മ ,കമലമ്മ എന്നിവരെ പരുക്കുകളോടെ വണ്ടാനം മെഡിക്കല്‍ കോളജില്‍ പ്രവേശിപ്പിച്ചു. കരുനാഗപ്പള്ളിയില്‍ നിന്ന് വണ്ടാനം മെഡിക്കല്‍ കോളജിലേക്ക് രോഗിയുമായി എത്തിയ ആംബുലന്‍സും കളമശേരിയില്‍ നിന്നുമെത്തിയ ടാങ്കര്‍ ലോറിയുമായി കൂട്ടിയിടിക്കുകയായിരുന്നു. അമ്പലപ്പുഴ പൊലീസ് മേല്‍നടപടികള്‍ സ്വീകരിച്ചു.