കല്‍പ്പറ്റ: ജവഹര്‍ നവോദയ ദേശീയ ചെസ് ചാംപ്യന്‍ഷിപ്പ് ഇന്നു മുതല്‍ 26 വരെ ലക്കിടി ജവഹര്‍ നവോദയ വിദ്യാലയത്തില്‍ നടക്കും.
ഇന്ത്യന്‍ ചെസ് അക്കാദമിയുടെ നിയന്ത്രണത്തില്‍ നടത്തുന്ന മത്സരത്തില്‍ ലക്‌നൗ, ജയ്പൂര്‍, പാട്‌ന, ഷില്ലോങ്, ഭോപ്പാല്‍, ഹൈദരാബാദ്, പൂന, ചണ്ടീഗഡ് മേഖലകളില്‍നിന്നായി 120 വീതം ആണ്‍കുട്ടികളും പെണ്‍കുട്ടികളും പങ്കെടുക്കും. അണ്ടര്‍-14, അണ്ടര്‍-17,അണ്ടര്‍-19 വിഭാഗങ്ങളിലാണ് മത്സരം. രാവിലെ 10ന് ജില്ലാ പൊലിസ് മേധാവി ആര്‍. കറുപ്പസ്വാമി ഉദ്ഘാടനം ചെയ്യും. ഹൈദരാബാദ് എന്‍.വി.എസ് അസിസ്റ്റന്റ് കമ്മിഷണര്‍ എം. ദ്രാവിഡമണി അധ്യക്ഷനാവും.
12.30ന് മത്സരം ആരംഭിക്കും. 25നു രാവിലെ ഒന്‍പതു മുതല്‍ വൈകുന്നേരം ആറു വരെയും 26നു രാവിലെ ഒന്‍പതു മുതല്‍ ഉച്ചകഴിഞ്ഞ് മൂന്നു വരെയുമാണ് മത്സരങ്ങള്‍. 26ന് വൈകുന്നേരം നാലിന് ചേരുന്ന സമാപന സമ്മേളനത്തില്‍ ഹൈദരാബാദ് എന്‍.വി.എസ് ഡപ്യൂട്ടി കമ്മിഷണര്‍ എ.വൈ. റെഡ്ഡി അധ്യക്ഷനാവും. ജില്ലാ കലക്ടര്‍ എ.ആര്‍ അജയകുമാര്‍ മുഖ്യാതിഥിയാവും.