തിരുവനന്തപുരം: ഫുട്‌ബോള്‍ താരം സി.കെ വിനീതിനോട് ഏജീസ് ഓഫിസിലെ ചില ഉദ്യോഗസ്ഥര്‍ പകപോക്കിയതായി രാജ്യാന്തര ഫുട്‌ബോള്‍ താരം എന്‍.പി പ്രദീപ്. നേട്ടങ്ങളില്‍ ഒപ്പം നില്‍ക്കുന്നവരെ മറ്റു സന്ദര്‍ഭങ്ങളില്‍ കാണാറില്ലെന്നും പ്രദീപ് ഒരു സ്വകാര്യ ചാനലിന് നല്‍കിയ അഭിമുഖത്തില്‍ പറഞ്ഞു. എന്നാല്‍ ആരോടും പരാതി പറയില്ലെന്ന നിലപാടാണ് വിനീത് സ്വീകരിച്ചത്. വിനീതിനെ പിരിച്ചുവിട്ടിട്ടും വിഷയത്തില്‍ ഫലപ്രദമായി ഇടപെടാന്‍ സര്‍ക്കാരിനായിട്ടില്ല. ഫുട്‌ബോള്‍ കളിക്കാര്‍ക്ക് വേണ്ടത്ര പരിഗണന ലഭിക്കുന്നില്ലെന്നും അദ്ദേഹം പറഞ്ഞു.