പരപ്പനങ്ങാടി: സമസ്ത കേരള ജംഇയ്യത്തുല്‍ മുഅല്ലിമീന്‍ കാസര്‍കോട് നടത്തിയ സംസ്ഥാന ഇസ്‌ലാമിക കലാമേളയില്‍ ഒന്ന് രണ്ട് മൂന്ന് സ്ഥാനങ്ങള്‍ നേടിയവരെ പങ്കെടുപ്പിച്ചു കൊണ്ട് എസ്.കെ.ജെ.എം വെസ്റ്റ് ജില്ലാ കമ്മിറ്റി പ്രതിഭാസംഗമം സംഘടിപ്പിച്ചു. സംഗമം എം.എ ചേളാരി ഉദ്ഘാടനം ചെയ്തു.
പുറങ്ങ് മൊയ്തീന്‍ മുസ്‌ലിയാര്‍ അധ്യക്ഷനായി. പ്രതിഭകള്‍ക്കുള്ള ക്യാഷ് അവാര്‍ഡും സ്‌നേഹോപഹാരം വിതരണവും എം. എ ചേളാരി നിര്‍വഹിച്ചു.
സയ്യിദ് മുഈനുദ്ധീന്‍ ജിഫ്‌രി, അബ്ദുല്‍ഖാദര്‍ അല്‍ഖാസിമി, കെ.പി.എ റസാഖ് ഫൈസി, ഹൈദര്‍ മുസ്‌ലിയാര്‍, നൗഷാദ് ചെട്ടിപ്പടി, ഹക്കീം ഫൈസി പൊന്നാണി, സി.എ സലാം ദാരിമി, കെ.എം.എ റസാഖ് മൗലവി സംസാരിച്ചു.