കായംകുളം: ഇസ്‌ലാമിക പൈതൃകം സംരക്ഷിക്കലാണ് സമസ്തയുടെ ലക്ഷ്യമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ അഭിപ്രായപ്പെട്ടു.
കായംകുളം കുറ്റി തെരുവില്‍ എസ്.കെ.എസ് എസ്.എഫ് യോഗം ഉദ്ഘാടനം ചെയ്തു സംസാരിക്കുകയായിരുന്നു തങ്ങള്‍.
യൂനിറ്റ് പ്രസിഡന്റ് മുഹമ്മദ് ഇഖ്ബാല്‍ അധ്യക്ഷനായി. എസ്.വൈ.എസ് ജില്ലാ സെക്രട്ടറി നവാസ് പാനൂര്‍ ആമുഖ പ്രഭാഷണം നടത്തി. എസ്.വൈ.എസ് ജില്ലാ ജനറല്‍ സെക്രട്ടറി നിസാര്‍ പറമ്പന്‍, സമസ്ത ജില്ലാ ട്രെഷറര്‍ എം. മഹമൂദ് മുസ്‌ലിയാര്‍, എസ്.വൈ.എസ് ജില്ലാ ട്രെഷറര്‍ എ.എവാഹിദ്, സമസ്ത ഓര്‍ഗനൈസര്‍ ഒ. എം ശരീഫ് ദാരിമി, ജംഇയ്യതുല്‍ ഖുതുബാ മേഖല പ്രസിഡന്റ് ടി.എം അയ്യുബ് ഖാന്‍ മന്നാനി, എസ്. വൈ. എസ് മേഖല പ്രസിഡന്റ് നാസര്‍ എം. മൈലോലി, സെക്രട്ടറി ബഷീര്‍ സഫ, എസ്.കെ.എസ്.എസ്. എഫ് ജില്ലാ വൈസ് പ്രസിഡന്റ് അബ്ദുല്‍ സലിം അസ്‌ലമി, മേഖല സെക്രട്ടറി ഇര്‍ഷാദ് മുസ്‌ലിയാര്‍, മന്നാനിയ ഫെഡറേഷന്‍ പ്രസിഡന്റ് ഹുസൈന്‍ അലുംമൂട്ടില്‍, മയ്യിത്ത് പരിപാലന സമിതി പ്രസിഡന്റ് അബ്ദുല്‍ അസീസ്, സുധീര്‍ തുടങ്ങിയവര്‍ സംസാരിച്ചു.
മതപ്രഭാഷണം കബീര്‍ ബാഖവിയും മജ്‌ലിസ്‌നൂറിനും ദുആ മജ്‌ലിസിനും സയ്യിദ് അബ്ദുള്ള തങ്ങള്‍ അല്‍ ഐദ്‌റൂസി നേതൃത്വം നല്‍കി.