പള്ളുരുത്തി: റുബിക്‌സ് സ്‌പോര്‍ട്‌സ് ആന്റ് ആര്‍ട്‌സ് ക്ലബ്ബിന്റെ ആഭിമുഖ്യത്തില്‍ പൊതു പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്ക് പുരസ്‌കാര വിതരണം നടത്തി. പാര്‍ലമെന്റംഗം കെ.വി തോമസ് ഉദ്ഘാടനം ചെയ്തു. കുമ്പളങ്ങി പാര്‍ക്കില്‍ നടന്ന ചടങ്ങില്‍ ക്ലബ്ബ് പ്രസിഡന്റ് അനഘ ബാബു അധ്യക്ഷത വഹിച്ചു. കെ.ജെ മാക്‌സി എം.എല്‍.എ പുരസ്‌ക്കാര വിതരണം നടത്തി.
കുമ്പളങ്ങി ഗ്രാമപഞ്ചായത്ത് പ്രസിഡന്റ് മാര്‍ട്ടിന്‍ ആന്റണി, വാര്‍ഡ് മെമ്പര്‍ കെ.കെ സുരേഷ് ബാബു, സിനിമാ താരങ്ങളായ സോബിന്‍, ജിനോ ജോണ്‍, സെക്രട്ടറി അയന ചന്ദ്രബാബു, പി.ജെ നിധിന്‍, പ്രിനീഷ് പീറ്റര്‍, പി.എസ് ബിന്‍സി എന്നിവര്‍ സംസാരിച്ചു.
മട്ടാഞ്ചേരി: പടിഞ്ഞാറെക്കോട് മുഹിയദ്ധീന്‍ പള്ളി ജമാഅത്തിന്റെ ആഭിമുഖ്യത്തില്‍ ഹൈസ്‌കൂള്‍ വിദ്യാര്‍ഥികള്‍ക്ക് പുസ്തക വിതരണം നടത്തി. ഖത്തീബ് കെ.എ ഷറഫുദ്ധീന്‍ മുസലിയാര്‍ വിതരണോദ്ഘാടനം നിര്‍വഹിച്ചു. ജമാഅത്ത്പ്രസിഡന്റ് ഹാജി എന്‍.ബി അഷറഫ് അധ്യക്ഷത വഹിച്ചു.
വൈസ് പ്രസിഡന്റ് പി.എം നൗഷാദ്, ട്രഷറര്‍ ടി.എച്ച് സമദ്, കെ.എം സിദ്ധീഖ് മാസ്റ്റര്‍, എം.റഫീഖ്, കെ.എം.ബഷീര്‍, എം.എം നൂഹ്, കെ.എസ് അജി , കെ.ബി സലീം, എ.എ നവാസ്, സി.എ ഫൈസല്‍, പി.കെ ഹര്‍ഷാദ് എന്നിവര്‍ സംസാരിച്ചു.