മുക്കം: വിവിധ മേഖലകളില്‍ പ്രാഗത്ഭ്യം തെളിയിച്ച കൊടിയത്തൂര്‍ പഞ്ചായത്തിലെ പ്രതിഭകളെ കൊടിയത്തൂര്‍ സര്‍വിസ് സഹകരണ ബാങ്കിന്റെ നേതൃത്വത്തില്‍ അനുമോദിച്ചു. അസ്‌ലം കെ.പി, മുഹമ്മദ് റഷീദ്, വിനീഷ് പി, സനീഷ് ടി.കെ, അപര്‍ണ സോമന്‍, നജ ഫര്‍ഹാന്‍, അരുണ്‍ തെഞ്ചീരിത്തൊടി എന്നിവരെയാണ് അനുമോദിച്ചത്.
പന്നിക്കോട്ടെ ബാങ്ക് ഓഡിറ്റോറിയത്തില്‍ നടന്ന ചടങ്ങ് ബാങ്ക് പ്രസിഡന്റ് ഇ. രമേശ്ബാബു ഉദ്ഘാടനം ചെയ്തു. വൈസ് പ്രസിസന്റ് എം. കുഞ്ഞിമുഹമ്മദ് അധ്യക്ഷനായി. ഡയരക്ടര്‍മാരായ എന്‍. രവീന്ദ്രകുമാര്‍, പി. ഷിനോ, നാസര്‍ കൊളായി, ഉമ ഉണ്ണികൃഷ്ണന്‍, അസ്മാബി പരപ്പില്‍, കെ. ബാബുരാജ്, കെ. മുരളീധരന്‍ സംസാരിച്ചു.