ചെന്നൈ: മുന്‍മുഖ്യമന്ത്രി ജയലളിത മരിച്ചിട്ട് ആറുമാസമായെങ്കിലും അവരുടെ സ്മൃതി മണ്ഡപം സ്ഥിതി ചെയ്യുന്ന മറീന ബീച്ചിലേക്ക് ആരാധകരുടെ ഒഴുക്ക് തുടരുന്നു. 70 ദിവസത്തോളം ആശുപത്രിയില്‍ കിടന്ന ശേഷം ഡിസംബര്‍ അഞ്ചിനാണ് ജയലളിത മരിക്കുന്നത്. സ്ത്രീകളും കുട്ടികളുമടക്കം നിരവധി പേരാണ് ജയസമാധിയില്‍ എത്തുന്നത്. ഓരോ ദിവസവും 15,000ത്തോളം പേര്‍ സമാധി സന്ദര്‍ശിക്കുന്നുണ്ടെന്നാണ് അണ്ണാ ഡി.എം.കെ നേതാക്കള്‍ അവകാശപ്പെടുന്നത്.