സ്റ്റോക്ക് ഹോം: സ്വീഡനില്‍ നടന്ന ഹിത പരിശോധനയില്‍ പ്രധാനമന്ത്രി സ്റ്റീഫന്‍ ലോഫ്‌വെന് പരാജയം. 204 പാര്‍ലമെന്റ് അംഗങ്ങള്‍ പ്രധാനമന്ത്രിയെ എതിര്‍ത്ത് വോട്ട് ചെയ്തപ്പോള്‍ 142 പേര്‍ മാത്രമാണ് പിന്തുണച്ചത്.
കുടിയേറ്റ വിരുദ്ധ പാര്‍ട്ടിയായ സ്വീഡന്‍ ഡെമോക്രാറ്റിക് പാര്‍ട്ടി (എസ്.ഡി) സെന്റര്‍ റൈറ്റിനെ പിന്തുണച്ചതോടെയാണ് സ്വീഡന്‍ ഡെമോക്രാറ്റിക് പാര്‍ട്ടികാരനായ സ്റ്റഫാന്‍ ലോഫ്‌വന് ഭൂരിപക്ഷം നഷ്ടമായത്.
പുതിയ പ്രധാനമന്ത്രിയെ സ്പീക്കര്‍ തീരുമാനിച്ചേക്കും. സെന്റര്‍ റൈറ്റ് നേതാവായ ഉല്‍ഫ് ക്രിസ്റ്റസിനാണ് സ്രാധ്യത. പുതിയ പ്രധാനമന്ത്രിയെ തെരഞ്ഞെടുക്കുന്നതുവരെ ലോഫ്‌വെന്‍ അധികാരത്തില്‍ തുടരും.
2014ല്‍ ആണ് ലോഫ്‌വന്‍ സ്വീഡന്‍ പ്രധാനമന്ത്രിയായ ചുമതലയേറ്റത്. ഈ മാസം നടന്ന പൊതു തെരഞ്ഞടുപ്പില്‍ ലോഫ്‌വന്റെ നേതൃത്വത്തിലുള്ള സെന്റര്‍ ലെഫ്റ്റ് സഖ്യം 144 സീറ്റുകളാണ് നേടിയിരുന്നത്. എതിരാളികളായ സെന്റര്‍ റൈറ്റ് സഖ്യത്തെക്കാള്‍ ഒരു സീറ്റിനാണ് ലോഫ്‌വന്റെ സഖ്യം ഏറ്റവും വലിയ കക്ഷിയായി മാറിയത്. മൂന്നാം സ്ഥാനത്തുള്ള നാസി ആഭിമുഖ്യമുള്ള എസ്.ഡി പാര്‍ട്ടി 62 സീറ്റുകള്‍ നേടിയിരുന്നു.