സുല്‍ത്താന്‍ ബത്തേരി: ടൗണില്‍ അപകട ഭീഷണിസൃഷ്ടിച്ചിരുന്ന ട്രാഫിക് സിഗ്നല്‍ എടുത്തുമാറ്റി. ടൗണിലെ ഗതാഗതകുരുക്കിന് പരിഹാരം കാണുക എന്ന ലക്ഷ്യത്തോടെ സ്ഥാപിച്ച ട്രാഫിക് സിഗ്നല്‍ സിസ്റ്റമാണ്് ടൗണിലെത്തുന്നവര്‍ക്ക് ദുരിതമായതോടെ മുറിച്ച് മാറ്റിയത്. ട്രാഫിക് ജങ്്ഷനില്‍ ദേശീയപാതക്ക് നടുവിലായി സ്ഥാപിച്ചിരുന്ന സിസ്റ്റമാണ് നഗരസഭ ഇടപെട്ട് ബത്തേരി ഫയര്‍ റസ്‌ക്യു ഫോഴ്‌സ്, ട്രാഫിക് പൊലിസ് എന്നിവരുടെ നേതൃത്വത്തില്‍ മുറിച്ചനീക്കം ചെയതത്. റോഡിന് നടുവിലായി പ്രവര്‍ത്തനരഹിതമായി നിന്നിരുന്ന ഈ സിസ്റ്റം ഇതരസംസ്ഥാനത്ത് നിന്നും രാത്രികാലങ്ങളില്‍ വരുന്ന ചരക്ക് വാഹനങ്ങള്‍ തട്ടി കേടുപാടുകള്‍ സഭവിക്കുന്നത് പതിവായിരുന്നു. . ഇതോടെയാണ് ഇന്നലെ മുറിച്ചു മാറ്റിയത്. എട്ട് വര്‍ഷം മുന്‍പാണ്  ട്രാഫിക് സിഗ്നല്‍ സിസ്റ്റം ഈ ഭാഗത്ത് സ്ഥാപിച്ചത്.