തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലക്കെതിരേ വിജിലന്‍സ് അന്വേഷണത്തിന് സ്പീക്കറുടെ അനുമതി. സ്പീക്കര്‍ പി. ശ്രീരാമകൃഷ്ണനാണ് രമേശ് ചെന്നിത്തലക്കും കെ.എം ഷാജി എംഎല്‍എക്കുമെതിരായ വിജിലന്‍സ് അന്വേഷണത്തിന് അനുമതി നല്‍കിയത്.

പ്രതിപക്ഷ നേതാവ് രമേശ് ചെന്നിത്തലക്ക് യുഡിഎഫ് ഭരണകാലത്ത് കോഴ നല്‍കിയിരുന്നു എന്ന ബാര്‍ ഉടമ ബിജു രമേശിന്റെ വെളിപ്പെടുത്തലിന്റെ അടിസ്ഥാനത്തിലാണ് അന്വേഷണം.

ഇതുപ്രകാരം ചെന്നിത്തലക്ക് എതിരെ വിജിലന്‍സ് അന്വേഷണത്തിന് അനുമതി ആവശ്യപ്പെട്ട് ആഭ്യന്തര വകുപ്പ് അപേക്ഷ നല്‍കിയിരുന്നു. ഈ അപേക്ഷയിലാണ് സ്പീക്കറുടെ തീരുമാനം.
അനധികൃത സ്വത്ത് സമ്പാദന കേസിലാണ് കെ.എം ഷാജി എം.എല്‍.എക്കെതിരേയും വിജിലന്‍സ് അന്വേഷണത്തിനും സ്പീക്കര്‍ അനുമതി നല്‍കിയിരിക്കുന്നത്.