നാദാപുരം: കല്ലാച്ചി ചീറോത്ത്മുക്കിനു സമീപം ദുരൂഹസാഹചര്യത്തില്‍ കണ്ട യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. വാണിമേല്‍ സ്വദേശി ഇസ്മായിലി (31) നെയാണ് നാട്ടുകാര്‍ പിടികൂടിയത്.
വ്യാഴാഴ്ച പുലര്‍ച്ചെ രണ്ടരയോടെയാണ് ചീറോത്ത്മുക്കിലെ കൊപ്രക്കളമുള്ളതില്‍ നൗഷാദിന്റെ വീട്ടുമുറ്റത്ത് ഇസ്മായിലിനെ അയല്‍വാസികള്‍ കാണുന്നത്. ഉടന്‍തന്നെ നട്ടുകാര്‍ ഇയാളെ പിടികൂടുകയായിരുന്നു. ഇതിനിടെ നാട്ടുകാരില്‍ ഒരാളെ ഇയാള്‍ കടിച്ചുപരുക്കേല്‍പ്പിച്ചു. തുടര്‍ന്ന് യുവാവിനെ മരത്തില്‍ ബന്ധിച്ച് നാദാപുരം പൊലിസില്‍ വിവരം അറിയിക്കുകയായിരുന്നു.