കൊച്ചി: എടവനക്കാട് കൂട്ടിങ്ങല്‍ച്ചിറ കാപ്പുറത്ത് അമ്മയും മൂന്ന് കുട്ടികളും മരിച്ച നിലയില്‍. വിനീത(23) മക്കളായ വിനയ്, ശ്രാവണ്‍, ശ്രേയ എന്നിവരാണ് മരിച്ചത്. ആത്മഹത്യയെന്നാണ് പൊലീസിന്റെ പ്രാഥമിക നിഗമനം.യുവതിയെ തൂങ്ങിമരിച്ച നിലയിലും കുട്ടികള്‍ നിലത്ത് മരിച്ച് കിടക്കുന്ന നിലയിലുമാണ് കണ്ടെത്തിയത്. കുട്ടികള്‍ക്ക് വിഷം കൊടുത്ത ശേഷം യുവതി ആത്മഹത്യ ചെയ്തുവെന്നാണ് നിഗമനം.

രാവിലെ അഞ്ച് മണിയോടെയാണ് നാട്ടുകാര്‍ മരണവിവരം അറിയുന്നത്. നിലവില്‍ മരണ കാരണമെന്താണെന്ന് വ്യക്തത ലഭിച്ചിട്ടില്ല. അന്വേഷണം നടന്നുകൊണ്ടിരിക്കുകയാണ്.