കൊല്ലം: ഇടവേളയ്ക്കുശേഷം പുനലൂരില്‍ വീണ്ടും സി.പി.എം-സി.പി.ഐ സംഘര്‍ഷം. രണ്ടു സി.പി.ഐ പ്രവര്‍ത്തകര്‍ക്കു വെട്ടേറ്റു. ആരംപുന്ന സ്വദേശി ഷിബിന്‍ ജോയിയെ തിരുവനന്തപുരം മെഡിക്കല്‍ കോളജ് ആശുപത്രിയിലും പുനലൂര്‍ സ്വദേശി ശ്യാമിനെ പുനലൂര്‍ താലൂക്ക് ആശുപത്രിയിലും പ്രവേശിപ്പിച്ചു.

ഇന്നലെ രാത്രിയായിരുന്നു സംഭവം. സി.പി.ഐയുടെ ജില്ലയിലെ പ്രധാന ശക്തികേന്ദ്രങ്ങളായ കിഴക്കന്‍ മേഖലയില്‍ ഇരുസംഘടനകളും കാലങ്ങളായി സ്വരച്ചേര്‍ച്ചയിലല്ല. അക്രമത്തില്‍ പ്രതിഷേധിച്ചു സി.പി.ഐയുടെ നേതൃത്വത്തില്‍ ഇന്നു ഇളമ്പലില്‍ പകല്‍ ഹര്‍ത്താല്‍ ആചരിക്കുകയാണ്. സ്ഥലത്തു വന്‍ പൊലിസ് സന്നാഹം ക്യാമ്പു ചെയ്യുന്നുണ്ട്.