മുള്ളൂര്‍ക്കര: സമൂഹത്തിലെ അവശരേയും, അശരണരേയും സഹായിക്കുക എന്നത് ജീവത വൃതമാക്കി മാറ്റണമെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍ ആവശ്യപ്പെട്ടു. അയല്‍വാസി സന്തോഷത്തോടെയും, സംതൃപ്തിയോടെയും കഴിയുന്നുണ്ടോ എന്ന് പരിശോധിക്കണം. ഇല്ലെങ്കില്‍ അതിന് നടപടി ഉണ്ടാകണമെന്നും തങ്ങള്‍ കൂട്ടി ചേര്‍ത്തു. ദോഹ ലോജിക് ഗ്രൂപ്പ് ഉടമ യൂസഫിന്റെ സഹകരണത്തോടെ മുള്ളൂര്‍ക്കര റെയ്ഞ്ച് റിലീഫ് കമ്മിറ്റി നടത്തുന്ന മൂന്നാമത് റമളാന്‍ റിലീഫ് വിതരണം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു ഹമീദലി ശിഹാബ് തങ്ങള്‍. റെയ്ഞ്ചിലെ മഹല്ല് മദ്രസകളില്‍ സേവനമനുഷ്ഠിക്കുന്ന 104 ഉസ്താദുമാര്‍ക്കും നിത്യോപയോഗ സാധന കിറ്റുകളും, പര്‍ദ്ദയും നല്‍കി. 60 നിര്‍ധന കുടുംബങ്ങള്‍ക്ക് റമളാന്‍ കിറ്റ് വിതരണം ചെയ്തു. എസ്.എസ്.എല്‍.സി, പ്ലസ് ടു, ഇസ്ലാമിക കലാമേള വിജയികള്‍ എന്നിവരെ അനുമോദിച്ചു. യോഗത്തില്‍ സയ്യിദ് എം.പി കുഞ്ഞി കോയ തങ്ങള്‍ അധ്യക്ഷനായി. ലോജിക് ഗ്രൂപ്പ് ഉടമ യൂസഫ്  മുഖ്യാതിഥിയായി. മുഫത്തിശ് ഫള്‌ലു റഹ്മാന്‍ ഫൈസി, ഖാലിദ് മദനി, സുലൈമാന്‍ മുസ്്‌ലിയാര്‍, അബ്ദുസലാം, മുഹമ്മദ് ഹാജി, മരക്കാര്‍ ഹാജി,  വീരാന്‍ കുട്ടി മുസ്്‌ലിയാര്‍, ഉമര്‍ ദാരിമി, മൊയ്തീന്‍ കുട്ടി ഹാജി, ഉമ്മര്‍ മാസ്റ്റര്‍, മൊയ്തീന്‍ കുഞ്ഞ് മാസ്റ്റര്‍, അബു ഹാജി, ഷാഹിദ് കോയ തങ്ങള്‍,  ഉസ്മാന്‍ മുസ്്‌ലിയാര്‍, സിദ്ധിഖ് മുസ്്‌ലിയാര്‍, അബ്ദുള്‍ ഗഫൂര്‍ എന്നിവര്‍ പ്രസംഗിച്ചു. എം.ടി ഹംസ അന്‍വരി സ്വാഗതവും, കെ.എ ഹംസ കുട്ടി മൗലവി നന്ദിയും പറഞ്ഞു. ഖത്തീബ് എ.കെ ഇസ്മാഈല്‍ അല്‍ ഹസനി പ്രാര്‍ഥനക്ക് നേതൃത്വം നല്‍കി.