കോഴിക്കോട്: മേയ്ത്ര ഹോസ്പിറ്റലില്‍ കേരളത്തിലാദ്യമായി ഒ-ആം സാങ്കേതികവിദ്യയുടെ സഹായത്തോടെ ശസ്ത്രക്രിയകള്‍ ആരംഭിച്ചു. സി-ആം ടെക്‌നോളജിയുടെയും ഇന്‍ട്രാ ഓപറേറ്റീവ് 3 ഡി ഇമേജിങ് ആന്‍ഡ് നാവിഗേഷന്റെയും മികച്ച ഫീച്ചറുകള്‍ സംയോജിപ്പിച്ചിരിക്കുന്ന സര്‍ജിക്കല്‍ സ്‌കാനിങ് സിസ്റ്റമായ ഒ-ആം, സര്‍ജറിയുടെ ഓരോ സ്റ്റെപ്പിലും വളരെ നിര്‍ണായകമായ വിവരങ്ങള്‍ കൃത്യമായി നല്‍കും. ഒ-ആം സ്റ്റെല്‍ത്ത് സ്റ്റേഷന്‍ എസ് 8 സുവ്യക്തമായ കാഴ്ച ഉറപ്പാക്കുന്നതിനാല്‍ മിനിമലി ഇന്‍വേസീവ് പ്രൊസീജ്യറുകളും നട്ടെല്ലിന്റെ വളവുകളും വളരെ കൃത്യമായി ചെയ്യുന്നതിനുള്ള കഴിവ് വര്‍ധിപ്പിക്കുന്നുവെന്ന് ഡോ. വിനോദ് (സീനിയര്‍ കണ്‍സള്‍ട്ടന്റ് ആന്‍ഡ് ഹെഡ് ഓഫ് സ്‌പൈന്‍ സര്‍ജറി) പറഞ്ഞു.

ഒ-ആം ഇമേജിങ് സിസ്റ്റം നട്ടെല്ലിന്റെ ശസ്ത്രക്രിയകള്‍ വളരെ കൃത്യതയോടും അപകടസാധ്യതകള്‍ കുറച്ചും ചെയ്യാന്‍ സഹായിക്കുന്നതായി ഡോ. അനൂപ് നരേന്ദ്രന്‍ (കണ്‍സള്‍ട്ടന്റ്- ബ്രെയിന്‍ ആന്‍ഡ് സ്‌പൈന്‍ സര്‍ജറി) പറഞ്ഞു. പരമ്പരാഗത രീതിയുമായി താരതമ്യം ചെയ്യുമ്പോള്‍ ഒ-ആം വേഗത്തിലുള്ള ഇമേജിങ്ങും കുറഞ്ഞ റേഡിയേഷനും ഉറപ്പു നല്‍കുന്നു. ഒ-ആം ഉപയോഗിക്കുന്നതിലൂടെ ശരീരത്തിന്റെ പിന്‍ഭാഗത്തെയും നട്ടെല്ലിന്റെയും കഴുത്തിന്റെയും 3 ഡി ഇമേജുകള്‍ വളരെ വേഗത്തില്‍ ലഭ്യമാക്കും. തകര്‍ന്നുപോയ അരക്കെട്ട് ശരിയാക്കുന്നതു പോലെ വളരെ സങ്കീര്‍ണമായ ഓര്‍ത്തോപീഡിക് കേസുകള്‍ പോലും സുഗമമായി കൈകാര്യം ചെയ്യുന്നതിനും ഒ-ആം ടെക്‌നോളജി ഉപകാരപ്രദമാണെന്ന് ഡോ. ജോര്‍ജ് അബ്രഹാം (ചെയര്‍മാന്‍- ബോണ്‍ ആന്‍ഡ് ജോയിന്റ് കെയര്‍) പറഞ്ഞു.
എന്‍ഡോസ്‌കോപ്പിക് സ്‌കള്‍ ബേസ്ഡ് പ്രൊസീജ്യറുകളില്‍ കൃത്യമായ ഡ്രില്ലിങ്ങിനും ടൈം നാവിഗേഷനും കൃത്യമായ ഇലക്‌ട്രോഡ് പ്ലേസ്‌മെന്റിനായി ഡീപ് ബ്രെയിന്‍ സ്റ്റിമുലേഷന്‍ പോലെയുള്ള ഫങ്ഷനല്‍ ബ്രെയിന്‍ സര്‍ജറികള്‍ക്കും ഒ-ആം ടെക്‌നോളജി പ്രശസ്തമാണ്.