കോട്ടക്കല്‍: സംസ്ഥാന സര്‍ക്കാരിന്റെ ഈ വര്‍ഷത്തെ ജൈവ വൈവിധ്യ പുരസ്‌കാരം (സ്‌കൂള്‍ വിഭാഗം) വാളക്കുളം കെ.എച്ച്.എം.എച്ച്.എസ്.എസിന് ലഭിച്ചു. അന്താരാഷ്ട്ര ജൈവ വൈവിധ്യ ദിനത്തോടനുബന്ധിച്ച് തിരുവനന്തപുരത്ത് നടന്ന ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരം കൈമാറി. 25,000 രൂപയും ഫലകവും അംഗീകാരപത്രവും അടങ്ങുന്നതാണ് പുരസ്‌കാരം. സര്‍ക്കാരിന്റെ ഹരിതമിഷന്റെ ഭാഗമായി ഈ വര്‍ഷം സ്‌കൂളികുളില്‍ നടപ്പിലാക്കുന്ന ജൈവ വൈവിധ്യ പാര്‍ക്കിന് അനുയോജ്യമായ മാതൃക കൂടിയാണ് സ്‌കൂളിന്റെ ജൈവോദ്യാനം. ചടങ്ങില്‍ സ്‌കൂളിനെ പ്രതിനിധീകരിച്ച് പ്രധാനാധ്യാപകന്‍ പി.കെ മുഹമ്മദ് ബഷീര്‍, കോഡിനേറ്റര്‍ കെ.പി ഷാനിയാസ്, വി ഇസ്ഹാഖ്, ടി മുഹമ്മദ്, ഹരിത സേനാംഗങ്ങളായ പി മുബഷിര്‍, ആദിത്ത് തുടങ്ങിയവര്‍ സംബന്ധിച്ചു.