കൊച്ചി: എറണാകുളം ചിലവന്നൂരില്‍ കെട്ടിടം വാടകയ്‌ക്കെടുത്ത് അനാശാസ്യകേന്ദ്രം നടത്തിവന്നവര്‍ പിടിയില്‍. ആലുവ എടത്തലയില്‍ ഇടത്തോട്ടിക്കല്‍ വീട്ടില്‍ ഷാജി എന്നു വിളിക്കുന്ന ഷാജഹാന്‍, ഷാജഹാന്റെ ഭാര്യ ദിവ്യ എന്നു വിളിക്കുന്ന ഉജ്ജ്വല, ഇടനിലക്കാരനായ പൂണിത്തുറ ഗാന്ധി സ്‌ക്വയറില്‍ ഇത്തിക്കണ്ണിത്തറ വീട്ടില്‍ സഞ്ജയ്, കോട്ടയം ചിങ്ങവനം സ്വദേശിനിയായ സ്ത്രീ, ഇടപാടുകാരനായ പുത്തന്‍കുരിശ് വെങ്കിടഭാഗത്ത് പുലവത്തില്‍ സുനില്‍കുമാര്‍  എന്നിവരാണ് പൊലിസിന്റെ പിടിയിലായത്.
എറണാകുളം ടൗണ്‍ സൗത്ത് സര്‍ക്കിളിലെ പൊലിസ് ഇന്‍സ്‌പെക്ടറായ സിബി ടോമിന് രഹസ്യം വിവരം ലഭിച്ചതിന്റെ അടിസ്ഥാനത്തില്‍ ഏതാനും ദിവസമായി ഈ കെട്ടിടം പൊലിസിന്റെ നിരീക്ഷണത്തില്‍ ആയിരുന്നു. ഈ മാസം 25നാണ് ഈ കെട്ടിടം പ്രതികളായ ഷാജിയും ഉജ്ജ്വലയും വാടകയ്‌ക്കെടുത്ത് അനാശാസ്യകേന്ദ്രം ആരംഭിച്ചതെന്ന് പൊലിസ് പറഞ്ഞു.