അടിമാലി : ഓടിക്കൊണ്ടിരുന്ന ഓമ്‌നി വാനിന് തീ പിടിച്ചു.വാഹനത്തില്‍ ഉണ്ടായിരുന്ന കുടുംബം അത്ഭുതകരമായി രക്ഷപ്പെട്ടു.അടിമാലി കല്ലാര്‍കുട്ടി റോഡില്‍ പക്കായിപടിയില്‍ ഇന്നലെ വൈകുനേരം ആറരയോടെയായിരുന്നു സംഭവം. രാജാക്കാട് സ്വദേശി മുണ്ടയ്ക്കല്‍ എല്‍ദോസിന്റേതാണ് വാഹനം.അടിമാലിയില്‍ നിന്നും രാജാക്കാടിന് പോകുകയായിരുന്ന വാഹനത്തില്‍ എല്‍ദോസിന്റെ ഭാര്യ ഷിജിയും ഉണ്ടായിരുന്നു. വാഹനത്തില്‍ നിന്നും പുക ഉയരുന്നത് കണ്ട എല്‍ദോസ് ഭാര്യയേയും കൂട്ടി വാഹനത്തില്‍ നിന്നും ഇറങ്ങി ഓടി. ഫയര്‍ഫോഴ്‌സ് എത്തി തീ അണച്ചു. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക വിവരം. ഗ്യാസില്‍  പ്രവര്‍ത്തിച്ചിരുന്ന വാഹനമാണിത്.