കണ്ണൂര്‍: നിരവധി പോരാട്ടങ്ങളുടെ ഫലമായി ജനങ്ങള്‍ നേടിയെടുത്ത എല്ലാ നേട്ടങ്ങളും അവകാശങ്ങളും നാലരവര്‍ഷക്കാലം കൊണ്ട് ഇല്ലാതാക്കുകയാണ് കേന്ദ്രത്തില്‍ നരേന്ദ്ര മോദിയുടെ നേതൃത്വത്തിലുള്ള ബി.ജെ.പി സര്‍ക്കാര്‍ ചെയ്യുന്നതെന്ന് സി.പി.ഐ കേന്ദ്ര കണ്‍ട്രോള്‍ കമ്മിഷന്‍ ചെയര്‍മാന്‍ പന്ന്യന്‍ രവീന്ദ്രന്‍.
ജീവിക്കാന്‍ വേണ്ടിയുള്ള സമരമാണ് രാജ്യത്ത് നടക്കുന്നതെന്നും അദ്ദേഹം പറഞ്ഞു. മോദിയെ പുറത്താക്കൂ, രാജ്യത്തെ രക്ഷിക്കൂ എന്ന മുദ്രാവാക്യമുയര്‍ത്തി നടക്കുന്ന ദേശീയ കാംപയിനിന്റെ ഭാഗമായി കൂത്തുപറമ്പ്, കണ്ണൂര്‍ മണ്ഡലംതല കാല്‍നട ജാഥകള്‍ ഉദ്ഘാടനം ചെയ്യുകയായിരുന്നു അദ്ദേഹം. പാവങ്ങളുടെ പണം തട്ടിയെടുത്ത് പണക്കാര്‍ക്ക് കൊടുക്കുന്ന ഇടനിലക്കാരനായി പ്രധാനമന്ത്രി നരേന്ദ്രമോദിമാറിയെന്നും പന്ന്യന്‍ പറഞ്ഞു.