കാവുംമന്ദം: കല്‍പ്പറ്റ ബ്ലോക്ക് പഞ്ചായത്തിന്റെയും തരിയോട് സാമൂഹികാരോഗ്യ കേന്ദ്രത്തിന്റെയും ആഭിമുഖ്യത്തില്‍ കാവുംമന്ദം കമ്മ്യൂണിറ്റി ഹാളില്‍ വച്ച് ആരോഗ്യ ശുചിത്വ സമ്മേളനവും ആരോഗ്യ മിത്ര പുരസ്‌കാര വിതരണവും സംഘടിപ്പിച്ചു.
സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. തരിയോട് ഗ്രാമപഞ്ചായത്ത് പ്രസിഡന്റ് റീന സുനില്‍ അധ്യക്ഷയായി. ചടങ്ങില്‍ ആരോഗ്യ മിത്ര പുരസ്‌ക്കാരം വയനാട് ജില്ലാ പഞ്ചായത്ത് പ്രസിഡന്റ് ടി ഉഷാകുമാരി വിതരണം ചെയ്തു.
ഷമീം പാറക്കണ്ടി (തരിയോട്), പി.വി ദേവസ്യ (കോട്ടത്തറ), മറിയാമ്മ സെബാസ്റ്റ്യന്‍ (പടിഞ്ഞാറത്തറ), കെ സി കുഞ്ഞബ്ദുല്ല (വെങ്ങപ്പള്ളി) എന്നിവരാണ് പുരസ്‌കാരത്തിന് അര്‍ഹരായത്. ജില്ലാ മെഡിക്കല്‍ ഓഫിസര്‍ ഡോ വിവേക് മുഖ്യപ്രഭാഷണം നിര്‍വഹിച്ചു. ജില്ലാ സര്‍വൈലന്‍സ് ഓഫിസര്‍ ഡോ വി ജിതേഷ് ശുചിത്വ  പ്രതിജ്ഞ ചൊല്ലിക്കൊടുത്തു. ജില്ലാ പഞ്ചായത്ത് മെംബര്‍ കെ.ബി നസീമ, ബ്ലോക്ക് ആരോഗ്യ വിദ്യാഭ്യാസ സ്റ്റാന്റ്റിംഗ് കമ്മിറ്റി ചെയര്‍പേഴ്‌സണ്‍ ജിന്‍സി സണ്ണി, കോട്ടത്തറ ഗ്രാമപഞ്ചായത്ത് പ്രസിഡന്റ് ലീലാമ്മ ജോസഫ്, വെങ്ങപ്പള്ളി ഗ്രാമപഞ്ചായത്ത് പ്രസിഡന്റ് നാസര്‍, പടിഞ്ഞാറത്തറ ഗ്രാമപഞ്ചായത്ത് വൈസ് പ്രസിഡന്റ് നസീമ പൊന്നാണ്ടി, മെംബര്‍ കൊച്ചുറാണി, മെഡിക്കല്‍ ഓഫിസര്‍ ഡോ. എം.വി വിജേഷ്, ഹെല്‍ത്ത് സൂപ്പര്‍വൈസര്‍ യു.എന്‍ സുധാകരന്‍ സംസാരിച്ചു.