മനാമ: ബഹ്​റൈനിൽ സ്വദേശികൾക്കും പ്രവാസികൾക്കും സൗജന്യമായി കോവിഡ്​ വാക്​സിൻ നൽകുമെന്ന് ബഹ്റൈൻ കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ വ്യക്തമാക്കി.
കോവിഡ്​ -19 പ്രതിരോധത്തി​െൻറ ഭാഗമായി കഴിഞ്ഞ ദിവസം ഇവിടെ ചേർന്ന ചേർന്ന കോഒാർഡിനേഷൻ കമ്മിറ്റി യോഗത്തിലാണ് പ്രധാനമന്ത്രി ​ ഇക്കാര്യം അറിയിച്ചത്.
നേരത്തെ ബഹ്റൈൻ രാജാവ് ഹമദ് ബിൻ ഈസാ ആൽഖലീഫയും ഈ അഭിപ്രായം പ്രകടിപ്പിച്ചിരുന്നു.
18 വയസിന്​ മുകളിലുള്ളവർക്ക്​ രാജ്യത്തെ 27 മെഡിക്കൽ സെൻററുകൾ വഴിയാണ്​ വാക്​സിൻ നൽകുന്നതെന്ന് അധികൃതരെ ഉദ്ധരിച്ച് പ്രാദേശിക പത്രവും റിപ്പോർട്ട് ചെയ്തു.
ലോകാരോഗ്യസംഘടന അംഗീകരിച്ച ഫൈസർ വാക്സിനാണ് ബഹ്റൈനിൽ വിതരണം ചെയ്യുക. ദിവസം 5000 -10000 വാക്​സിനേഷനാണ്​ ലക്ഷ്യമിടുന്നത്​.
ലോകത്ത് ബ്രിട്ടന് ശേഷം ഫൈസർ വാക്സിന് അനുമതി നൽകിയ രണ്ടാമത്തെ രാഷ്ട്രമാണ് ബഹ്റൈൻ.