കല്‍പ്പറ്റ: ഉല്‍പ്പാദക കമ്പനികളുടെ സംയുക്താഭിമുഖ്യത്തില്‍ കല്‍പ്പറ്റ പുതിയ ബസ് സ്റ്റാന്‍ഡില്‍ നടക്കുന്ന മലബാര്‍ അഗ്രിഫെസ്റ്റിനോടനുബന്ധിച്ചുള്ള കര്‍ഷക സംഗമം നാളെ നടക്കും.
രാവിലെ 10 മുതല്‍ നടക്കുന്ന കര്‍ഷക സംഗമം സംസ്ഥാന വൈദ്യുത വകുപ്പുമന്ത്രി എം.എം മണി ഉദ്ഘാടനം ചെയ്യും. സി.കെ ശശീന്ദ്രന്‍ എം.എല്‍.എ അധ്യക്ഷനാവും.
ജനപ്രതിനിധികള്‍, വകുപ്പുമേധാവികള്‍, നബാര്‍ഡിലെ ഉന്നത ഉദ്യോഗസ്ഥര്‍, കാര്‍ഷിക അവാര്‍ഡ് ജേതാക്കള്‍, കര്‍ഷക സംഘടന പ്രതിനിധികള്‍, ഫാര്‍മേഴ്‌സ് ക്ലബ് അംഗങ്ങള്‍  സംബന്ധിക്കും. അമ്പലവയല്‍ പ്രാദേശിക കാര്‍ഷിക ഗവേഷണ കേന്ദ്രം മേധാവി, ക്ഷീര വികസന വകുപ്പില്‍ നിന്നുള്ള എം പ്രകാശന്‍ എന്നിവര്‍ വിവിധ വിഷയങ്ങളില്‍ സെമിനാറുകള്‍ക്ക് നേതൃത്വം നല്‍കും. ഉച്ചക്ക് രണ്ടു മുതല്‍ ചക്കയുടെ വിവിധ വിഭവങ്ങള്‍ക്കുള്ള പാചക മത്സരവും നടക്കും.