HOME
DETAILS

വാഹനാപകടം: കെട്ടിക്കിടക്കുന്നത് 94,465 കേസുകള്‍

  
backup
July 14 2019 | 19:07 PM

%e0%b4%b5%e0%b4%be%e0%b4%b9%e0%b4%a8%e0%b4%be%e0%b4%aa%e0%b4%95%e0%b4%9f%e0%b4%82-%e0%b4%95%e0%b5%86%e0%b4%9f%e0%b5%8d%e0%b4%9f%e0%b4%bf%e0%b4%95%e0%b5%8d%e0%b4%95%e0%b4%bf%e0%b4%9f%e0%b4%95%e0%b5%8d

 

കൊണ്ടോട്ടി: വാഹനാപകടങ്ങളുമായി ബന്ധപ്പെട്ട് സംസ്ഥാനത്തെ എം.എ.സി.ടി കോടതികളില്‍ (മോട്ടോര്‍ ആക്‌സിഡന്റ് ക്ലെയിംസ് ട്രിബ്യൂണല്‍) കെട്ടിക്കിടക്കുന്നത് 94,465 കേസുകള്‍. റോഡപകടങ്ങള്‍ കൂടിയതും ആശുപത്രികളില്‍ നിന്നടക്കം സര്‍ട്ടിഫിക്കറ്റ് വൈകുന്നതുമാണ് തീര്‍പ്പാകാത്തതിന് കാരണം.
സംസ്ഥാനത്ത് ദിനംപ്രതി റോഡപകടങ്ങളില്‍ ശരാശരി 11 പേര്‍ മരിക്കുന്നുണ്ടെന്നാണ് സര്‍ക്കാരിന്റെ കണക്ക്. ഒരു മാസത്തിനിടെ ശരാശരി 3279 കേസുകളാണ് റിപ്പോര്‍ട്ട് ചെയ്യുന്നത്. ഇന്‍ഷുറന്‍സ് ക്ലെയിം ലഭിക്കണമെങ്കില്‍ തെളിവുകള്‍ വേണം.
വാഹന ഉടമ, ഡ്രൈവര്‍, ഇന്‍ഷൂറന്‍സ് കമ്പനി എന്നിവരെ പ്രതിചേര്‍ത്താണ് കേസുകള്‍ ഫയല്‍ ചെയ്യുന്നത്. അപകടംപറ്റിയ വ്യക്തിയുടെ പരുക്കിന്റെ തീവ്രത സര്‍ക്കാര്‍ മെഡിക്കല്‍ ബോര്‍ഡാണ് നിശ്ചയിക്കുക. ഈ പരിശോധനാ റിപ്പോര്‍ട്ട് തയാറാക്കല്‍ പലപ്പോഴും ആഴ്ചകളിലൊരിക്കലാണ്. ഇത് കോടതികളിലെത്താന്‍ സമയമെടുക്കുന്നതോടെ കേസ് വൈകും. അപകടംവരുത്തിയ വാഹന ഉടമകള്‍ ഇതരസംസ്ഥാനക്കാരാകുമ്പോള്‍ ഇവര്‍ കോടതിയില്‍ ഹാജരാകാന്‍ വൈകുന്നതും കേസുകള്‍ തീര്‍പ്പാകാന്‍ കാലതാമസമെടുക്കുന്നു.
കേസുകള്‍ തീര്‍പ്പാക്കാന്‍ മോട്ടോര്‍ ആക്‌സിഡന്റ് മീഡിയേഷന്‍ അതോറിറ്റി രൂപീകരിക്കണമെന്ന് നേരത്തെ ഹൈക്കോടതി ആവശ്യപ്പെട്ടിരുന്നു. എന്നാല്‍, ഇക്കാര്യത്തില്‍ കൂടുതല്‍ പരിശോധന വേണമെന്നാണ് സര്‍ക്കാര്‍ പറയുന്നത്.

സര്‍ക്കാര്‍ ജീവനക്കാര്‍ക്ക്



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."