കോഴിക്കോട്: സംസ്ഥാനത്ത് തന്നെ ഏറെ ശ്രദ്ധിക്കപ്പെട്ട കൊടുവള്ളിയിലെ ചുണ്ടപ്പുറം വാര്‍ഡില്‍ കാരാട്ട് ഫൈസലിനു 90 വോട്ടിന്റെ വിജയം. ലീഗിലെ കെ.കെ.എ ഖാദറാണ് പരാജയപ്പെട്ടത്. ഇവിടെ എല്‍.ഡി.എഫിനു സ്ഥാനാര്‍ത്ഥിയുണ്ടായിരുന്നെങ്കിലും ഇടതുപക്ഷത്തിന്റെ രഹസ്യ പിന്തുണ ഫൈസലിനായിരുന്നു. ഇടതുപക്ഷ സ്ഥാനാര്‍ത്ഥിക്ക് 7 വോട്ട് മാത്രമേ ലഭിച്ചിട്ടുള്ളൂ. ഇടതുപക്ഷത്തിന്റെ സ്ഥാനാര്‍ത്ഥിയായി മത്സരിക്കാന്‍ തീരുമാനിച്ചിരുന്ന ഫൈസലിനെ സി.പി.എം തടയുകയായിരുന്നു. സ്വര്‍ണക്കടത്തില്‍ കസ്റ്റംസ് ചോദ്യം ചെയ്തനിനെ തുടര്‍ന്നാണ് പാര്‍ട്ടി ഇടതുപക്ഷ സ്ഥാനാര്‍ത്ഥിയായി മത്സരിക്കുന്നത് വിലക്കിയത്. ഇതിനെ തുടര്‍ന്നാണ് എല്‍.ഡി.എഫിന്റെ രഹസ്യ പിന്തുണയോടെ ചുണ്ടപ്പുറം വാര്‍ഡില്‍ ഫൈസല്‍ മത്സരിച്ചത്. ഇടതുപക്ഷത്തിന്റെ വോട്ടെല്ലാം ഇവിടെ ഫൈസലിനാണ് ലഭിച്ചത്.