മനാമ: ബഹ്‌റൈൻ കെ.എം.സി.സി കോഴിക്കോട് ജില്ലാ കമ്മിറ്റി ഒക്ടോബർ 12 ന് സംഘടിപ്പിക്കുന്ന സി. എച്ച് മുഹമ്മദ് കോയ സാഹിബ് അനുസ്മരണ സമ്മേളനത്തോടനുബന്ധിച്ച് നടത്തുന്ന പ്രബന്ധമത്സരത്തിലേക്ക് ബഹ്റൈനിലെ പ്രവാസി മലയാളികളില്‍ നിന്നും എന്‍ട്രികള്‍ ക്ഷണിച്ചു.

ബഹ്‌റൈൻ റസിഡന്റ് പെർമിറ്റ്‌ ഉള്ള എല്ലാവർക്കും മത്സരത്തില്‍ പങ്കെടുക്കാം. വിദ്യാർത്ഥികൾക്കും മുതിർന്നവർക്കും പങ്കെടുക്കാവുന്ന വിധം രണ്ടു കാറ്റഗറിയിലാണ് മത്സരം നടത്തുന്നത്. സ്കൂള്‍ 12ാം ക്ലാസ്സ്‌ വരെ പഠിക്കുന്ന കുട്ടികളെ മുഴുവന്‍ വിദ്യാർത്ഥി വിഭാഗത്തിലും ബാക്കിയുള്ളവരെയെല്ലാം മുതിര്‍ന്നവരുടെ വിഭാഗത്തിലുമാണ് ഉള്‍പ്പെടുത്തിയിരിക്കുന്നത്. 

 

വിദ്യാർത്ഥി വിഭാഗത്തിലുള്ളവര്‍ക്ക്  "വിദ്യാഭ്യാസ മേഖലയിൽ സി.എച്ചിന്റെ പങ്ക്", മുതിർന്നവർക്ക് "സി.എച്ച് എന്ന സാമൂഹ്യ പരിഷ്‌കർത്താവ് " എന്നിങ്ങിനെയാണ് മത്സര വിഷയം. കയ്യെഴുത്ത് പ്രബന്ധങ്ങൾ ചുരുങ്ങിയത് രണ്ടു പേജും കൂടിയാൽ നാല് പേജുമുണ്ടായിരിക്കണം. 

 

മത്സരാർത്ഥികൾ അവരവരുടെ പ്രബന്ധങ്ങൾ സീൽ ചെയ്ത കവറിന് പുറത്തു സ്വന്തം പേര്, CPR No, മൊബൈൽ നമ്പർ എന്നിവ എഴുതി മനാമ - ബാബുല്‍ ബഹ്റൈനിനു സമീപമുള്ള കെ.എം.സി.സി ഓഫീസിലെത്തിക്കണം.  വിജയികള്‍ക്കുള്ള സമ്മാനങ്ങള്‍ 12ന് നടക്കുന്ന പരിപാടിയില്‍ വെച്ച് വിതരണം ചെയ്യും. പ്രബന്ധങ്ങൾ സ്വീകരിക്കുന്ന അവസാന തീയ്യതി ഒക്ടോബർ 9. കൂടുതല്‍ വിവരങ്ങള്‍ക്ക് ബന്ധപ്പെടുക. ഫോണ്‍- 00973-39731834,  39835230,  39458504.

---

---