മലപ്പുറം: തെരഞ്ഞെടുപ്പ് ഫലം കൂടുതല്‍ വിശകലനത്തിന് വിധേയമാക്കേതുണ്ടെന്നും ഒറ്റ തീര്‍പ്പില്‍ പറഞ്ഞു തീര്‍ക്കാവുന്ന ഒന്നല്ല രാഷ്ട്രീയമെന്നും മുസ്‌ലിം ലീഗ് ജില്ലാ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍. മാറുന്ന രാഷ്ട്രീയ സാഹചര്യങ്ങളെ മുന്‍ നിര്‍ത്തിവേണം നേടിയ സീറ്റുകളും നഷ്ടപ്പെട്ട അക്കങ്ങളും വിലയിരുത്താന്‍.
ലീഗ് സ്വാധീന മേഖലയില്‍ യു.ഡി.എഫ് അടിത്തറ ഭദ്രമാണെന്നാണ് തെരഞ്ഞെടുപ്പ് ഫലം വ്യക്തമാക്കുന്നത്.സംസ്ഥാനത്ത് യു.ഡി.എഫ് മുന്നണി സംവിധാനവും തെരഞ്ഞെടുപ്പ് പ്രവര്‍ത്തന രീതിയും ഭാവി പ്രവര്‍ത്തനങ്ങളും കൂടുതല്‍ മെച്ചപ്പെടുത്തേണ്ടതുണ്ടെന്നാണ് തെരഞ്ഞെടുപ്പ് ഫലം വ്യക്തമാക്കുന്നതെന്നും തങ്ങള്‍ പറഞ്ഞു.