മലപ്പുറം: എസ്.കെ.എസ്.എസ്.എഫ് വിഖായ ദിനമായി ആചരിച്ച ഇന്നലെ ജില്ലയില്‍ മേഖലാ,ക്ലസ്റ്റര്‍,യൂനിറ്റ് തലങ്ങളില്‍ വിപുലമായ സേവന പ്രവര്‍ത്തനങ്ങള്‍ സംഘടിപ്പിച്ചു. മേഖലാതലങ്ങളില്‍ ശുചീകരണ പ്രവര്‍ത്തങ്ങള്‍, രക്തദാനം, സഹചാരി സെന്റര്‍ മുഖേനയുളള ആതുരസേവന പദ്ധതികളുടെ സമര്‍പ്പണം,ആശുപത്രിയിലേക്കു ഉപകരണങ്ങളുടെ കൈമാററം, പരിശീലന പരിപാടികള്‍ എന്നിവ നടന്നു.
ഈസ്റ്റ് ജില്ലാ തല ഉദ്ഘാടനം മക്കരപ്പറമ്പ് മേഖലയിലെ മങ്കട താലൂക്ക് ആശുപത്രി ശുചീകരണ പ്രവൃത്തിയോടെ നടന്നു.ഈസ്റ്റ ജില്ലാ വൈസ് പ്രസിഡന്റ് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്തു. ജനറല്‍ സെക്രട്ടറി ശമീര്‍ ഫൈസി ഒടമല അധ്യക്ഷനായി. ശമീര്‍ ഫൈസി പുത്തനങ്ങാടി, സല്‍മാന്‍ ഫൈസി തിരൂര്‍ക്കാട്,ഇല്യാസ് മുസ്്‌ലിയാര്‍,അബ്ദുറഹ്മാന്‍ തോട്ടുപൊയില്‍,ഹെല്‍ത്ത് ഇന്‍സ്‌പെക്ടര്‍ മൊയ്തീന്‍കുട്ടി, മേഖലാ ഭാരവാഹികള്‍,വിഖായ സമിതി അംഗങ്ങള്‍ സംബന്ധിച്ചു.