മറയൂര്‍: യുവാവിനെ അയല്‍വാസി വെട്ടിപ്പരുക്കേല്‍പ്പിച്ചതായി പരാതി. കാന്തല്ലൂര്‍ ചാനല്‍മേട് സദേശി പവന്‍ രാജ് (25)നെയാണ് അയല്‍വാസി കണ്ണന്‍ എന്നു വിളിക്കുന്ന ജയകുമാര്‍ വെട്ടി പരിക്കേല്‍പ്പിച്ചത്.
വെള്ളിയാഴ്ച്ച രാത്രി 10.30 ഓടേ വീടിന്റെ തിണ്ണയില്‍ ഉറങ്ങാന്‍ കിടന്ന പവന്‍രാജിനെ ജയകുമാര്‍ വെട്ടുകയായിരുന്നു. കഴുത്തിലും തലയിലുമായി നാല് വെട്ടുകളാണ് ഏറ്റത്.   വെട്ട് കഴുത്തില്‍ കൊള്ളാതെ ഒഴിഞ്ഞു മാറാന്‍ കഴിഞ്ഞതിനാലാണ് ജീവന്‍ രക്ഷപെട്ടതെന്നും  മുന്‍ വൈരാഗ്യം മുലമാണ് പ്രതി വെട്ടി കൊല്ലാന്‍ ശ്രമിച്ചതെന്നും പവന്‍രാജ് പൊലിസിനോട് പറഞ്ഞു.  അടിമാലി താലുക്കാശുപത്രിയില്‍ ചികില്‍സയിലാണ് പവന്‍രാജ്. പ്രതി ഒളിവില്‍ പോയി.