തൃക്കരിപ്പൂര്‍: പകര്‍ച്ചവ്യാധി തടയാന്‍ പടന്നയില്‍ മുന്നൊരുക്കം തുടങ്ങി. പടന്ന ഗ്രാമപഞ്ചായത്ത് പ്രാഥമികാരോഗ്യ കേന്ദ്രം, എം.ആര്‍ വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ്. യൂനിറ്റ്, തൊഴിലുറപ്പ് തൊഴിലാളികള്‍, ആശാവര്‍ക്കര്‍മാര്‍, നാട്ടുകാര്‍, ഗ്രാമപഞ്ചായത്ത് അംഗങ്ങള്‍, കുടുംബശ്രീ പ്രവര്‍ത്തകര്‍ എന്നിവരുടെ സംയുക്താഭിമുഖ്യത്തില്‍ വീടുകള്‍ തോറും ലഘുലേഖ വിതരണം നടത്തി.
പടന്ന മൂസ ഹാജി മുക്കിലെയും പരിസര പ്രദേശങ്ങളിലെയും മാലിന്യങ്ങള്‍ നീക്കം ചെയ്തു. സ്ഥിരം സമിതി അധ്യക്ഷന്‍ പി.വി മുഹമ്മദ് അസ്‌ലം ഉദ്ഘാടനം ചെയ്തു.
പഞ്ചായത്ത് അംഗം ടി.കെ.പി ഷാഹിദ അധ്യക്ഷയായി. പടന്ന പ്രാഥമികാരോഗ്യ കേന്ദ്രം മെഡിക്കല്‍ ഓഫിസര്‍ എ. അന്‍സല്‍, പഞ്ചായത്ത് അംഗം ചിത്ര, എന്‍.എസ്.എസ് പ്രോഗ്രാം ഓഫിസര്‍ പി. സുനില്‍ കുമാര്‍, വി. ജയന്‍, രാജന്‍, സുരേഷ് കുമാര്‍ സംസാരിച്ചു.