ചേര്‍ത്തല: ഇറച്ചിക്കായുള്ള കന്നുകാലി വില്‍പന നിരോധിച്ച കേന്ദ്ര നടപടിക്കെതിരെ  പരസ്യമായി ബീഫ് വിളമ്പി യൂത്ത് കോണ്‍ഗ്രസ് പ്രതിഷേധിച്ചു. അര്‍ത്തുങ്കലില്‍ നടത്തിയ പ്രതിഷേധത്തില്‍ മത്സ്യ തൊഴിലാളികളും, നാട്ടുകാരുമായി നിരവധി പേര്‍ പങ്കെടുത്തു.
നാട്ടുകാര്‍ക്കു ബീഫ് വിളമ്പി നല്‍കി എന്‍.എസ്.യു ദേശീയ സെക്രട്ടറി എസ്.ശരത് പ്രതിഷേധം ഉദ്ഘാടനം ചെയ്തു. രാജ്യത്ത് രണ്ടുതരം പൗരന്മാരെ സൃഷ്ടിക്കാനുള്ള സംഘപരിവാര്‍ അജണ്ടയാണ് നിരോധനത്തിലൂടെ പുറത്തുവന്നിരിക്കുന്നതെന്നും  ഇഷ്ട ഭക്ഷണം കഴിക്കാനുള്ള അവസരം നിഷേധിക്കുന്നത് ജനങ്ങളുടെ മൗലികാവകാശങ്ങള്‍ക്കു നേരെയുള്ള കടന്നുകയറ്റമാണെന്നും എസ്.ശരത് പറഞ്ഞു.ഫാസിസ്റ്റ് നടപടികള്‍ക്കെതിരെ മഷിമുക്കി കാന്‍വാസില്‍ പതിപ്പിച്ചു പ്രതിഷേധ ജ്വാലയുയര്‍ത്തി. സാനു സ്റ്റീഫന്‍ അധ്യക്ഷനായി.
നിയോജകമണ്ഡലം പ്രസിഡന്റ് എന്‍.പി.വിമല്‍,ഗംഗാശങ്കര്‍പ്രകാശ്, തങ്കച്ചന്‍,എന്‍.ഡി.വാസവന്‍ജോസ് ബെനറ്റ്, വികാസ് ടെറിന്‍,കണ്ണന്‍കീക്കര, രമേശന്‍,സിബിമൈക്കിള്‍ തുടങ്ങിയവര്‍ പങ്കെടുത്തു.