ലണ്ടന്‍: ഇംഗ്ലണ്ടിലെ മാഞ്ചസ്റ്റര്‍ സിറ്റിയില്‍ സംഗീത പരിപാടിക്കു ശേഷം നടന്ന സ്‌ഫോടനത്തിനുത്തരവാദിയെന്നു കരുതുന്ന സല്‍മാന്‍ അബേദിയുടെ ചിത്രങ്ങള്‍ പൊലിസ് പുറത്തു വിട്ടു.
 
അക്രമണത്തിനു മുമ്പ് സി.സി.ടിവിയില്‍ പതിഞ്ഞ വ്യക്തമായ ചിത്രങ്ങളാണ് പൊലിസ് പുറത്തു വിട്ടത്. ഐ.എസ് ബന്ധം സംശയിച്ച് സല്‍മാന്‍ അബേദിയുടെ പിതാവും ഇളയ സഹോദരനും നേരത്തെ ലിബിയയില്‍ പിടിയിലായിരുന്നു.  കേസില്‍ ഇതുവരെ 11 പേരെ പൊലിസ് കസ്റ്റഡിയിലെടുത്തിട്ടുണ്ട്.

പോപ് ഗായിക അരിയാന ഗ്രന്‍ഡിന്റെ സംഗീതപരിപാടിക്കു ശേഷമായിരുന്നു സ്‌ഫോടനം. ഇതില്‍ 22പേര്‍ കൊല്ലപ്പെടുകയും 50പേര്‍ക്ക് പരുക്കേല്‍ക്കുകയും ചെയ്തിരുന്നു.