കോഴിക്കോട്: സി.എച്ച് വിചാര്‍ വേദിയുടെ മൂന്നാമത് സി.എച്ച് അവാര്‍ഡ് -2018ന് ചരിത്രകാരന്‍ എം.ജി.എസ് നാരായണന്‍ അര്‍ഹനായി.
പതിനൊന്നായിരത്തി ഒരുനൂറ്റി പതിനൊന്നു രൂപയും ശില്‍പവും പ്രശസ്തി പത്രവും അടങ്ങുന്ന അവാര്‍ഡ് ഏഴിനു വൈകീട്ട് 6.30ന് മലബാര്‍ പാലസില്‍ നടക്കുന്ന ചടങ്ങില്‍ ഗവര്‍ണര്‍ പി. സദാശിവം അവാര്‍ഡ് സമര്‍പ്പണം നടത്തും.
പി.കെ കുഞ്ഞാലിക്കുട്ടി എം.പി സി.എച്ച് അനുസ്മരണ പ്രഭാഷണം നടത്തും. എം.കെ രാഘവന്‍ എം.പി, എം.പി അബ്ദുസ്സമദ് സമദാനി തുടങ്ങിയവര്‍ സംബന്ധിക്കും.
വാര്‍ത്താസമ്മേളനത്തില്‍ സഫഅലവി, പി. ഇസ്മാഈല്‍, നവാസ് പൂനൂര്‍, ഇ.വി ഉസ്മാന്‍ കോയ, കെ. ഇബ്രാഹിം കുട്ടി മാസ്റ്റര്‍ പങ്കെടുത്തു.