വേങ്ങര: ഡെങ്കിപ്പനി ബാധിച്ച് വീട്ടമ്മ മരിച്ചതിനെ തുടര്‍ന്ന്് വിവിധ ബോധവല്‍ക്കരണ പദ്ധതികളും പ്രാഥമിക ആരോഗ്യ കേന്ദ്രത്തില്‍ വിപുലമായ മുന്‍കരുതലുകളുമായി ആരോഗ്യ വകുപ്പ് അധികൃതര്‍ രംഗത്തെത്തി. പഞ്ചായത്തിലെയും പരിസര പ്രദേശങ്ങലിലേയും വിവിധ കേന്ദ്രങ്ങളില്‍ കഴിഞ്ഞ ഒരു മാസത്തിനിടെ ഡെങ്കിപ്പനി സ്ഥിരീകരിച്ചിരുന്നു.
അധികൃതര്‍ നടത്തിയ ബോധവല്‍ക്കരണങ്ങള്‍ ആദ്യഘട്ടത്തില്‍ വേണ്ടത്ര ഫലപ്രദമായിരുന്നില്ല. വീട്ടമ്മയുടെ മരണത്തോടെ നാട്ടുകാരിലും ആശങ്ക ഉയര്‍ന്നു തുടങ്ങി. പി.എച്ച്.സി മെഡിക്കല്‍ ഓഫിസറും സംഘവും വിവിധ സ്ഥലങ്ങളില്‍ സന്ദര്‍ശനവും ബോധവല്‍ക്കരണവും നടത്തി. കോട്ടക്കല്‍ ആയുര്‍വേദ കോളജില്‍ നിന്നും ഡോക്ടര്‍മരും വിദ്യാര്‍ഥികളുമടങ്ങുന്ന സംഘം സന്ദര്‍ശനത്തിനെത്തി.
പ്രതിരോധ പ്രവര്‍ത്തനങ്ങളും നടത്തി. 200ലേറെ പേരാണ് ഇതിനകം പനി ബാധിച്ച് വിവിധ ആശുപത്രികളില്‍ ചികിത്സ തേടിയത്.