കരുവാരകുണ്ട്: ദാറുന്നജാത്ത് ഇസ്‌ലാമിക് സെന്ററില്‍ റമദാന്‍ പ്രഭാഷണം ഇന്ന് മുതല്‍ പത്തുവരെ നടക്കും. രാവിലെ പത്തുമുതല്‍ 12.30വരെയാണ് പ്രഭാഷണം. ഇന്ന് സുമൈര്‍ ഫൈസി പൊട്ടിക്കല്ലും നാളെ കെ.വി അബ്ദുറഹ്മാന്‍ ദാരിമി അഞ്ചച്ചവിടിയും പ്രഭാഷണം നടത്തും.
തുടര്‍ന്നുള്ള ദിവസങ്ങളില്‍ അന്‍വര്‍ സ്വാദിഖ് ഫൈസി മണ്ണാര്‍ക്കാട്, റഫീഖ് സകരിയ ഫൈസി കൂടത്തായി, ഫരീദ്‌റഹ്മാനി കാളികാവ്, മുനീര്‍ ഹുദവി കണ്ണൂര്‍, അബ്ദുശ്ശുക്കൂര്‍ മദനി അമ്മിനിക്കാട്, ബഷീര്‍ ഫൈസി ദേശമംഗലം, ജലീല്‍ റഹ്മാനി വാണിയന്നൂര്‍ തുടങ്ങിയവര്‍ പ്രഭാഷണം നടത്തും. സമാപന ദിവസം ദുആ സമ്മേളനത്തിന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നേതൃത്വം നല്‍കും.
പി.കുഞ്ഞാണി മുസ്‌ലിയാര്‍, പി.സൈതാലി മുസ്‌ലിയാര്‍, അഡ്വ. എം. ഉമ്മര്‍ എം.എല്‍.എ, വാക്കോട് മൊയ്തീന്‍കുട്ടി ഫൈസി, പുത്തനഴി മൊയ്തീന്‍ ഫൈസി, വി.ബാപ്പു മുസ്‌ലിയാര്‍ ഇരിങ്ങാട്ടിരി, ഹംസല്‍ ഖാസിമി നീലാഞ്ചേരി, അലവി ഫൈസി കൊളപ്പറമ്പ് സംബന്ധിക്കും.