തിരുവനന്തപുരം: ഫെയര്‍ ചാര്‍ജ് വര്‍ധനവിന് ആനുപാതികമായി ഓട്ടോറിക്ഷ ഫെയര്‍ മീറ്റര്‍ റീസെറ്റ് ചെയ്യുന്നതിന് നിരക്ക് ഏകീകരിക്കാന്‍ സര്‍ക്കാര്‍ തീരുമാനമായി. ഭക്ഷ്യ സിവില്‍ സപ്ലൈസ് മന്ത്രി വിളിച്ചുചേര്‍ത്ത ഓട്ടോറിക്ഷ തൊഴിലാളി സംഘടനകളുടെയും ലൈസന്‍സികളുടെയും യോഗത്തിലാണ് തീരുമാനം. മീറ്റര്‍ റീസെറ്റ് ചെയ്യുന്നതിന് ഇനി സംസ്ഥാനമൊട്ടാകെ 300 രൂപയും സ്റ്റാംപിങ് ഫീ 60 രൂപയുമായിരിക്കും. അമിത ഫീസ് ഈടാക്കുന്ന ലൈസന്‍സികള്‍ക്കെതിരേ നടപടി സ്വീകരിക്കാന്‍ ലീഗല്‍ മെട്രോളജി കണ്‍ട്രോളറെ സര്‍ക്കാര്‍ ചുമതലപ്പെടുത്തി.