ന്യൂഡല്‍ഹി: നരേന്ദ്ര മോദി സര്‍ക്കാരിനെ മുന്‍ കേന്ദ്രമന്ത്രി മന്‍സുഖ് ഭായ് വസവ ബി.ജെ.പിയില്‍ നിന്ന് രാജിവച്ചു. ഗുജറാത്തിലെ ഭറൂച്ചില്‍ നിന്ന് ആറാം തവണയും ലോക്‌സഭാംഗമായ വസവ വരുന്ന ബജറ്റ് സെഷന്റെ സമയത്ത് എം.പി സ്ഥാനം രാജിവയ്ക്കുമെന്നും അറിയിച്ചു.

സംസ്ഥാന ബി.ജെ.പി നേതൃത്വത്തോട് ഇടഞ്ഞാണ് വസവയുടെ രാജിയെന്നാണ് റിപ്പോര്‍ട്ടുകള്‍. 'ഞാന്‍ പാര്‍ട്ടിയുടെ മൂല്യങ്ങള്‍ അംഗീകരിക്കുന്നു. അതേസമയം, എല്ലാത്തിനും മീതെ ഞാനൊരു മനുഷ്യനാണ്. ഒരാള്‍ അറിഞ്ഞോ അറിയാതെയോ തെറ്റുചെയ്യും. ഞാന്‍ പാര്‍ട്ടിയില്‍ നിന്ന് രാജിവയ്ക്കുന്നു. അതുകൊണ്ട് എന്റെ തെറ്റുകള്‍ പാര്‍ട്ടിയെ ബാധിക്കില്ല'- രാജിക്കത്തില്‍ അദ്ദേഹം പറഞ്ഞു.