HOME
DETAILS

നിരോധിത പുകയില ഉല്‍പന്നങ്ങള്‍ വിറ്റ കട പൂട്ടിച്ചു

  
backup
October 06 2018 | 06:10 AM

%e0%b4%a8%e0%b4%bf%e0%b4%b0%e0%b5%8b%e0%b4%a7%e0%b4%bf%e0%b4%a4-%e0%b4%aa%e0%b5%81%e0%b4%95%e0%b4%af%e0%b4%bf%e0%b4%b2-%e0%b4%89%e0%b4%b2%e0%b5%8d%e2%80%8d%e0%b4%aa%e0%b4%a8%e0%b5%8d%e0%b4%a8-23

മട്ടന്നൂര്‍: ലഹരി വസ്തുക്കള്‍ വ്യാപകമായി വില്‍പന നടത്തുന്നതായുള്ള വിവരത്തെ തുടര്‍ന്നു മട്ടന്നൂരില്‍ എക്‌സൈസും നഗരസഭ ആരോഗ്യ വിഭാഗവും നടത്തിയ പരിശോധയില്‍ നിരോധിത പുകയില ഉല്‍പന്നങ്ങള്‍ പിടികൂടി. ഒരു സ്ഥാപനം പൂട്ടി സീല്‍ ചെയ്തു. സ്‌കൂള്‍ പരിസരങ്ങളിലും മറ്റും ലഹരി വസ്തുക്കള്‍ വില്‍പ്പന നടത്തുന്നതായുള്ള വിവരത്തെ തുടര്‍ന്നു മട്ടന്നൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സി.ആര്‍.പത്മകുമാര്‍, നഗരസഭ ഹെല്‍ത്ത് ഇന്‍സ്‌പെക്ടര്‍ രാഗേഷ് പാലേരി വീട്ടില്‍ എന്നിവരുടെ നേതൃത്വത്തില്‍ നടത്തിയ പരിശോധനയില്‍ 150പായ്ക്കറ്റ് ലഹരി വസ്തുക്കളാണ് പിടിച്ചെടുത്തത്.
മട്ടന്നൂര്‍- ഇരിട്ടി റോഡില്‍ പഴയ മദ്യഷാപ്പിനു സമീപത്തുള്ള സഹദേവനെന്നയാളുടെ കൂര്‍ഗ് വെജിറ്റബിള്‍സെന്ന സ്ഥാപനത്തില്‍ നിന്നാണ് ലഹരി വസ്തുക്കള്‍ പിടികൂടിയത്. ഹാന്‍സിന്റെ 70 പായ്ക്കറ്റുകളും കൂള്‍ ലിപ്പിന്റെ 80 പായ്ക്കറ്റുകളുമാണ് പിടിച്ചെടുത്തു. നിരോധിത ലഹരി വസ്തുക്കള്‍ വില്‍പ്പന നടത്തിയതിനു കട നഗരസഭ അധികൃതര്‍ പൂട്ടി സീല്‍ ചെയ്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."