കോഴിക്കോട്: സിവില്‍ സര്‍വിസ് പരീക്ഷക്ക് തയാറെടുക്കുന്ന  'സ്റ്റെപ്പി'ലെ വിദ്യാര്‍ഥികള്‍ക്കായി കോഴിക്കോട് ഇസ്‌ലാമിക് സെന്ററില്‍  സംഘടിപ്പിച്ച ഏകദിന ശില്‍പശാല ശ്രദ്ധേയമായി. 'സ്റ്റെപ്പ്'ചീഫ് പേട്രണ്‍ മുഹമ്മദലി ശിഹാബ് ഐ. എ. എസ് വിദ്യാര്‍ഥികളുമായി സംവദിച്ചു. 'സ്റ്റെപ്പ്' വിദ്യാര്‍ഥികള്‍ നടത്തിയ വിസ്ഡം റൗണ്ടില്‍ യൂസുഫ് വാണിമേല്‍, ജാസിര്‍ മഞ്ചേരി, എം ഹാജറ , മുനവ്വര്‍ വാഴക്കാട്, വി.സി അബ്ദുല്‍ സമദ് , ദില്‍ഷാദ് മലപ്പുറം, ആഷിഖ് കൊണ്ടോട്ടി, ഷഹ്‌സാദ് കണ്ണൂര്‍, നജ്മ തബ്ശീറ സംസാരിച്ചു.
ശില്‍പശാല എസ്. കെ. എസ്. എസ്. എഫ് യു. എ. ഇ നാഷനല്‍ കമ്മിറ്റി ട്രഷറര്‍ സയ്യിദ് അബ്ദുറഹിമാന്‍ തങ്ങള്‍ ഉദ്ഘാടനം ചെയ്തു. സംസ്ഥാന സെക്രട്ടറി സത്താര്‍ പന്തല്ലൂര്‍ അധ്യക്ഷനായി. ഷാഹുല്‍ ഹമീദ് മേല്‍മുറി, ഡോ. മജീദ് കൊടക്കാട്, ശംസുദ്ദീന്‍ ഒഴുകൂര്‍, റാഷിദ് വേങ്ങര, ഷംസാദ് സാലിം പൂവത്താണി, കെ. കെ മുനീര്‍ പ്രസംഗിച്ചു. ട്രെന്‍ഡ് സംസ്ഥാന കമ്മിറ്റി വൈസ് ചെയര്‍മാന്‍ റിയാസ് നരിക്കുനി സ്വാഗതവും'സ്റ്റെപ്പ്' കോഡിനേറ്റര്‍ റഷീദ് കോടിയൂറ നന്ദിയും പറഞ്ഞു.
എസ്. കെ. എസ്. എസ്. എഫ് ഷാര്‍ജ, അബൂദബി കമ്മിറ്റികളുടെ സഹായത്തോടെ ട്രെന്‍ഡിനു കീഴില്‍  രണ്ട് ബാച്ചുകളിലായി നടന്നു വരുന്ന സിവില്‍ സര്‍വിസ് പരിശീലനത്തിന്റെ ഭാഗമായിരുന്നു ശില്‍പശാല. ഉന്നത വിദ്യാഭ്യാസ പരിശീലന പദ്ധതിയായ 'സ്റ്റെപ്പി'ന്റെ ആഭിമുഖ്യത്തില്‍  കഴിഞ്ഞ 5 വര്‍ഷമായി നടത്തി വരുന്ന ശില്‍പശാലകളിലൂടെ കടന്നുപോയ 5 വിദ്യാര്‍ഥികള്‍ ഡല്‍ഹി, തിരുവനന്തപുരം, കോട്ടയം, മലപ്പുറം, കോഴിക്കോട് എന്നിവിടങ്ങളില്‍ ഒരു വര്‍ഷത്തെ തീവ്രപരിശീലനത്തിന് ശേഷം  ഈ വര്‍ഷത്തെ പരീക്ഷ എഴുതുന്നുണ്ട്. തുടര്‍ന്നുള്ള വര്‍ഷങ്ങളില്‍ കൂടുതല്‍ വിദ്യാര്‍ഥികള്‍ പരീക്ഷ എഴുതാനായി തയാറെടുത്ത് വരികയാണ്.