കൊച്ചി: കസ്റ്റംസ് കേസിലും മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിന് ജാമ്യമില്ല. ശിവശങ്കര്‍ അറസ്റ്റ് ഭയന്ന് ആശുപത്രിയില്‍ ഒളിച്ചെന്ന കസ്റ്റംസ് വാദം ശരിയാണ്. ഒന്നില്‍ കൂടുതല്‍ മൊബൈല്‍ ഫോണ്‍ ഉള്ളകാര്യം മറച്ചുവെച്ചതായും കോടതി ഉത്തരവില്‍ പരാമര്‍ശിക്കുന്നു. ശിവശങ്കര്‍ കസ്റ്റംസിന് നല്‍കിയ മൊഴി കൂടി പരിശോധിച്ചാണ് കോടതി ജാമ്യാപേക്ഷ തള്ളിയത്.

കള്ളക്കടത്തില്‍ ശിവശങ്കറിന് പങ്കുണ്ടെന്നതിന് പ്രഥമദൃഷ്ട്യാ തെളിവുകളുണ്ടെന്ന് വ്യക്തമാക്കിയാണ് കോടതി ജാമ്യാപേക്ഷ തള്ളിയത്. ശിവശങ്കറിനെതിരെ കൂട്ടുപ്രതികളുടെ ശക്തമായ മൊഴി ഉണ്ടെന്ന് സാമ്പത്തിക കുറ്റക്യത്യങ്ങള്‍ക്കുള്ള കോടതിയുടെ വിധിയില്‍ വ്യകതമാക്കുന്നു. ഉന്നത വ്യക്തികള്‍ക്ക് കുറ്റകൃത്യത്തില്‍ പങ്കുണ്ടെന്ന് സരിതിന്റെയും സ്വപ്നയുടെയും മൊഴിയില്‍ വ്യക്തമാണ്. കോടതി വ്യക്തമാക്കി.