കൊച്ചി: ശബരിമലയിലെ സ്ത്രീപ്രവേശനം സംബന്ധിച്ച കോടതി വിധി ഗുണം ചെയ്തതു ബി.ജെ.പിക്കെന്ന് എഴുത്തുകാരി സാറാ ജോസഫ്. കേരളത്തില്‍ വിജയം അസാധ്യമായ ബി.ജെ.പിക്കു വലിയ സാധ്യതയാണ് വിധി നല്‍കിയിരിക്കുന്നതെന്നും അവര്‍ പറഞ്ഞു.
വിധിക്കുശേഷം ഹിന്ദു സമൂഹത്തിനകത്ത് വലിയൊരു ഐക്യപ്പെടലാണ് നടക്കുന്നത്. ഇടതുപക്ഷം ഇപ്പോള്‍ യുക്തിവാദികളുമല്ല, വിശ്വാസികളുമല്ല. എന്താണെന്ന് അവര്‍ക്കുതന്നെ അറിയില്ല.
ഒരു കാര്യത്തിലും വ്യക്തമായ നിലപാടെടുക്കാന്‍ ഇടതുപക്ഷത്തിനു കഴിയുന്നില്ലെന്നും സാറാ ജോസഫ് പറഞ്ഞു. കൊച്ചിയില്‍ കന്യാസ്ത്രീ സമരത്തിന്റെ രണ്ടാംഘട്ട പ്രഖ്യാപനത്തില്‍ മുഖ്യ പ്രഭാഷണം നിര്‍വഹിക്കുകയായിരുന്നു അവര്‍.