മട്ടന്നൂര്‍: വിമാനത്താവളത്തില്‍ ഞായറാഴ്ച നൂറുകണക്കിനു സന്ദര്‍ശകര്‍ വാഹനങ്ങളുമായി എത്തിയതിനെ തുടര്‍ന്നുണ്ടായ ഗതാഗതക്കുരുക്ക് നിയന്ത്രിക്കാന്‍ വിഖായ വളണ്ടിയര്‍മാര്‍. എസ്.കെ.എസ്.എസ്.എഫ് മട്ടന്നൂര്‍ മേഖലാ വിഖായ വളണ്ടിയര്‍മാരാണു നഗരത്തില്‍ പൊലിസിനൊപ്പം സേവന സന്നദ്ധരായി കുരുക്കഴിക്കാന്‍ രംഗത്തിറങ്ങിയത്. വിമാനത്താവളത്തിന്റെ വിവിധ ഭാഗങ്ങളിലും റോഡുകളിലും വിഖായയുടെ വളണ്ടിയര്‍മാര്‍ സേവനമനുഷ്ഠിച്ചു. മേഖലാ സെക്രട്ടറി റാഷിദ് നിസാമി, വിഖായ സെക്രട്ടറി സാലിഹ് കീച്ചേരി, റാഫി മട്ടന്നൂര്‍ ഉള്‍പ്പെടയുള്ളവര്‍ നേതൃത്വം നല്‍കി.