എടച്ചേരി:വൃക്കരോഗികളായ 25 പേര്‍ക്കുള്ള ഒരു ദിവസത്തെ  ഡയാലിസിസ് ചികിത്സാ ചെലവായ 30,000 രൂപ നല്‍കി എടച്ചേരിയിലെ  പ്രവാസി യുവാവ് മാതൃകയായി.
 എടച്ചേരി പഞ്ചായത്ത് തല സി.എച്ച് സെന്റര്‍ റിലീഫ് ഫണ്ട് സമാഹരണം ഉദ്ഘാടനത്തോടനുബന്ധിച്ചാണ് പ്രവാസി വ്യവസായിയായ തുണ്ടിയില്‍ നജീബ് വൃക്കരോഗത്താല്‍ വിഷമം അനുഭവിക്കുന്ന 25 പേരുടെ ഒരു ദിവസത്തെ ഡയാലിസിസ് ചെലവ് വഹിക്കാന്‍ തയാറായി രംഗത്തുവന്നത്.
 മുസ്‌ലിം ലീഗ് പഞ്ചായത്ത് സെക്രട്ടറി യു.പി.മൂസ മാസ്റ്റര്‍ നജീബില്‍ നിന്നും തുക ഏറ്റുവാങ്ങി. കോഡിനേറ്റര്‍ കെ.ബഷീര്‍ മാസ്റ്റര്‍, കുനിയില്‍ ഹമീദ്, കെ. മൊയ്തു മാസ്റ്റര്‍ സംബന്ധിച്ചു.