ബാങ്കോങ്ക്: തായ്‌ലന്‍ഡിലുണ്ടായ വെടിവയ്പില്‍ ഇന്ത്യക്കാരനടക്കം രണ്ട് വിനോദ സഞ്ചാരികള്‍ കൊല്ലപ്പെട്ടു. രണ്ട് സംഘങ്ങള്‍ തമ്മിലുണ്ടായ വെടിവയ്പില്‍ ഗാഘ്രജര്‍ ദീരജ് (47) ആണ് കൊല്ലപ്പെട്ട ഇന്ത്യക്കാരന്‍. രണ്ടാമത്തെയാള്‍ ലാവോസ് പൗരനായ 28കാരനാണ്.
തലസ്ഥാനമായ ബാങ്കോങ്കിലെ രച്തവി ജില്ലയിലെ സെന്റാറ വാട്ടര്‍ഗേറ്റ് പവിലിയോണ്‍ ഹോട്ടലിന് പിന്നിലുള്ള തെരുവിലാണ് വെടിവയ്പ് നടന്നത്. വിനോദ സഞ്ചാരികളുടെ ബസുകള്‍ നിര്‍ത്തിയിട്ടിരുന്നത് ഇവിടെയാണ്. സഞ്ചാരികള്‍ ഭക്ഷണം കഴിച്ചശേഷം മടക്കയാത്രയ്ക്കുള്ള ബസ് കാത്ത് നില്‍ക്കുന്നതിനിടെയാണ് ആക്രമണം നടന്നത്. തൊട്ടടുത്തുള്ള സ്‌നൂക്കര്‍ ക്ലബില്‍ നിന്ന് പുറത്തിറങ്ങിയ യുവാക്കളുടെ സംഘങ്ങള്‍ തമ്മില്‍ സംഘട്ടനം ഉണ്ടാവുകയും വെടിവെക്കുകയും ചെയ്തു.എ.കെ 47 ഉള്‍പ്പെടെയുള്ള ആയുധങ്ങള്‍ ഉപയോഗിച്ചാണ് വെടിവയ്പുണ്ടായത്. എന്നാല്‍ അക്രമികളെ പിടികൂടാനായില്ലെന്നും തിരച്ചില്‍ തുടരുകയാണെന്നും പൊലിസ് പറഞ്ഞു.